Esperantek

Dhyworth Wikipedya, an godhoniador rydh
Jump to navigation Jump to search
Baner Esperantek
Esperantek (Esperanto)
Kewsys yn: Lies pow a-dro dhe'n bys
Kewsys gans: Kynsa Yeth: a-dro dhe dhew vil

L2: yntra kans mil ha dew milvil

Kodennow
ISO 639-1 eo
ISO 639-2 epo
ISO 639-3 epo

Esperantek yw yeth heweres drehevys. L.L. Zamenhof, optycyan polanek, o y wrier. Ev a wrug an yeth rag esya keskomunyans keswlasek. Y amkan o desinya Esperantek may hyll tus gul y dhyski moy yn es ages yethow aral.

Wortalleth, Zamenhof a henwis an yeth La Internacia Lingvo, an pyth a styr “An Yeth Keswlasek” yn Esperantek. Yn skon, tus a dhallathas y henwel Esperantek, hanow moy sempel, an pyth a styr “neb a wayt”. An hanow na a dheu dhyworth Doktoro Esperanto (Medhek neb a wayt), an pyth a wrug Zamenhof omhenwel yn y gynsa lyver a-dro dhe Esperantek.

Yma tus a wor kewsel Esperantek yn lies pow hag yn pub brastir. Denvyth ny wor py lies kowser Esperantek usi y’n bys. An brassa rann a bennfentynnyow a lever bos yntra nebes kans mil ha dew milvil gowser Esperantek. Nebes tus a wrug tevi ow kewsel Esperantek avel kynsa yeth. Martesen, yma dew vil a’n dus ma. Ytho, yw Esperantek an yeth drehevys moyha usys y’n bys.

Den a wra kewsel po skoodhya Esperantek yw henwys “Esperantist”, dell yw usys.