Entognatha
| Entognatha | |
|---|---|
| |
| Onychiurus, eghen a lost spryng | |
| Klassans bewoniethek | |
| Gwlaskor: | |
| Fylum: | |
| Isfylum: | |
| Klass: | Entognatha
|
| Urdhyow | |
| |
Klass a enevales y'n isfylum Hexapoda (hweghgarrogyon) yw an Entognatha. I a gomprehend teyr urdh:
- Diplura (Lostow reun) - 1,000 eghen
- Collembola (Lostow spryng) - 9,000 eghen
- Protura (Pennow pigorn) - 800 eghen
Nyns eus eskelli dhe'n Entognatha. Aga ganowow yw entognathous, hemm yw omdennys a-ji dhe'n penn, dyffrans dhe hwesker, an eseli erel y'n Hexapoda.
Collembola - Lostow spryng
[golegi | pennfenten]Lostow spryng yw olldhebroryon dell yw gwell gansa studhyow leyth. Ny wrons pedri mater organek aga honan, mes keworra dhe'n pedrans yn andhidro der omvrewi temigow a dhel hag erel, ha rewlya kemenethow bakteria gweres. Dell yw usys, aga hys yw le ages 6mm, i a's teves hwegh po le tregh y'n torr, gans piben gelwys collophore, kelmys dhe gemeres linyow, kespos, kawghya ha keveryans. Ynwedh i a's teves lost gelwys furcula. An furcula a ober kepar ha spryng rag diank dhyworth preydhoryon. Niveryow lostow spryng yw meur dres eghen. Estemys yw bos 100,000 anedha yn pub meter pedrek a dir, pylepynak war an nor, niveryow eyl saw dhe nemotodow, mitys ha krestenogyon. I a esplegyas y'n Amser Silurek Diwedhes nans yw 428 milvil bledhen.
Diplura - Lostow reun
[golegi | pennfenten]An hanow Diplura a dheu dhyworth an geryow Grek rag dew lost. Yma a-dro dhe 1,000 eghen anedha yn ollvysel, gans 12 yn Breten Veur. Aga hys yw yntra 2-50mm (7-10mm dell yw usys). Nyns eus lagasow dhedha. Diliw yns i. I a's teves tavellow hir war aga fennow. Kemmyn yns i yn del pedrys ha gweres. I a esplegyas y'n Amser Kalghek Diwedhes, nans yw 300 milvil bledhen.
Protura - pennow pigorn
[golegi | pennfenten]Enevales byghan yw pennow pigorn (hys a 0.6-1.5mm), kevys yn gweres. Mar dhistyr yns i na vons diskudhys bys dhe'n 20ves kansvledhen. Nyns eus dhedha lagasow, eskelli po tavellow. Dell yw usys diliw yns i. Yma dhedha tri hopel a arrow, ha'n sett kynsa a ober kepar ha tavellow. I a gerdh war an dhew sett aral. Pigornek yw an penn. Kevys yns i yn gweres, kewni ha del pedrys yn koswigow temprek nag yw re drenk.
-
Furcula, po spryng an lost spryng Orchesella cincta -
Lost spryng Tomocerus -
Gwydhyow a'n lost spryng Allacma fusca war brenn podrys
-
Lost reun Campodeidae -
Lost reun Campodea staphylinus -
Ensampel a benn pigorn -
Penn pigorn, eghen Acerentomon
.jpg)
.jpg)
_micrograph.jpg)