Enheduanna
| Enheduanna | |
|---|---|
 | |
| Genys |
23 century BC  Emperoureth Akkad |
| Mernans |
23 century BC |
| Trigva |
Ur |
| Kenedhlogeth |
Emperoureth Akkad |
| Galwesigeth |
prydydh, skrifer, pronter, filosofer |
| Soodh |
ughel-bronter |
| Aswonnys rag |
Enorans Inanna |
| Tas |
Sargon a Akkad |
| Mamm |
Tashlultum |
Enheduanna gennek 𒂗𒃶𒌌𒀭𒈾, ynwedh Enheduana po En-hedu-ana, o an prydydh kynsa gans hanow aswonnys dhyn hedhyw. Ynwedh hi o onan a’n benenes henwys yn istori. Ughel-bronter o dhe’n Dhuwes Inanna ha Duw an Loor Sin. Trigys o hi y’n stat-cita sumerek a Ur.
Hi a wrug niver a gevrannow dhe lien Sumerek, ow komprehendya niver a ganow dhe Inanna ha kuntel a hymnys. Ytho hi o an awtour henwys kynsa yn istori. Apoyntys veu hi dhe ditel En, rann bur bosek yn politigel, gans hy thas Myghtern Sargon a Akkad. Hy mamm o Myghternes Tashlultum.
Wosa mernans hy thas, hi a besyas y’n rann, mes, wosa dadhla gans hy broder, Rimush, eksilys veu hi rag termyn. Gesys veu hi dhe dhehweles, ha wosa henna, hi a skrifas ‘Enorans Inanna' po ‘nin me šara', gans manylyon hy gorrans yn-mes ha dehwelans. Wosa hy mernans hy honan, enorys veu hi avel person posek po hanter-duwes.
Diskudhans hendhyskoniethel
[golegi | pennfenten]Yn 1927 Syr Leonard Woolley a dhiskudhas plasen galsit Enheduanna, ha kleudhya yn Ur. Yma skeusen a Enheduanna war an blasen. Kyn tiskrivas Woolley an blasen yn y dherivas, ny veu poos Enheduanna aswonnys bys dhe dhyllans hwithrans Adam Falkenstein,"Enhedu'anna, The Daughter of Sargon of Akkad" yn 1958, ha treylyansow Hallo ha Van Dijk a ober Enheduanna yn 1968.
Lien Enheduanna
[golegi | pennfenten]Enheduanna a gomposyas 42 a hymnas rag templow a-dreus Sumer hag Akkad. I o an kynsa a’ga kynda hag ynna, hi a leveris, "Ow myghtern, gwrys veu neppyth dell na wrug nebonan bythkweth agynsow."
Rol a ganow
[golegi | pennfenten]- Nin-me-šara, "Enorans Inanna", 153 lin, treulyes yn kynsa gans Hallo ha van Dijk (1968), awosa gans Annette Zgoll (1997) yn Almaynek. An 65 lin kynsa a enor an duwes gans epithettys, orth hy hevelevi gans An, an gorughel duw. Ena, Enheduanna a dhiskrif hy anlowena wosa hy eksil dhyworth an tempel ha cita Ur. Hi a wovyn rag gweres Nanna.
- In-nin ša-gur-ra, 274 lin (andhien), golegys gans Sjöberg (1976) yn unn usya 29 darn.
- In-nin me-huš-a, "Inanna hag Ebih", treylyes yn kynsa gans Limet (1969)
- Hymnys an Tempel, golegys gans Sjöberg ha Bergmann (1969): 42 hymn.
- Hymn rag Nanna, golegys gans Westenholz
Bri
[golegi | pennfenten]Pur bosek yw Enheduanna dhe venelegoryon, avel an awtour kynsa, hag onan a’n benenes henwys kynsa. Yn 2015 an Unyans Steroniethel Kesgwlasek a henwis kowdoll war Vergher dhe enora Enheduanna.
-
Sel Inanna -
Plasen Enheduanna - hi yw an tressa dhyworth an dyghow -
Dastrehevyans Ziggurat Ur (kilva) a-dryv magoryow an Giparu, an tempel yn le mayth o Enheduanna trigys hag yntirys.
.jpg)
