El Greco

Dhyworth Wikipedya, an godhoniador rydh
El Greco

El Greco (1541 – 7 mis Ebrel 1614): lymner, gravyer ha pennser y'n Renaissance Spaynek.

"El Greco" (An Grek) o leshanow, kampoellans dh'y dhevedhyans Grek, hag an lymner a wre sina y hanow dien yn lytherennow Grek - Δομήνικος Θεοτοκόπουλος (Doménikos Theotokópoulos).

El Greco a veu genys yn Kreth hag o rann Repoblek Venezia y'n eur na ha kres art Post-Byzantinek. Ev a vyajyas dhe Venezia pan o 26 bloedh, hag yn 1570 ev a vovyas dhe Rom le may igeras ev hwelji ha kowlwul kevres oberennow.

Y'n vlydhen 1577, ev a vovyas dhe Doledo, Pow Spayn le may trigas ev bys dh'y vernans. Ena, ev a gowlwrug lies lymnans a vri. Gis-lymna El Greco o dramasek ha nyns o meurgerys yn y vywnans. Diwettha y'n ugensves kansblydhen, lymnansow El Greco eth ha bos meurgerys ha bos gwelys ages delanwes rag Expressionism ha Kubism.