Dy'Sul Gosek

Dhyworth Wikipedya, an godhoniador rydh
Ensampel a gorladhva Edit this on Wikidata
Dedhyans 30 Genver 1972 Edit this on Wikidata
Ledhys 14 Edit this on Wikidata
Rann a the Troubles Edit this on Wikidata
Tyller Ker Dherow Edit this on Wikidata
Commons page Restrennow kelmys war Gemmyn Wikimedia
Men kov dhe hwarvedhyans dy'Sul Gosek yn Derry
Kresen dhy'Sul Gosek yn Stret Shipquay, Derry
Keskerdh dhe erora penn-bloodh 35 dy'Sul Gosek

Dy'Sul Gosek, po Bloody Sunday yw an hanow res dhe'n worladhva a hwarva yn Ker Dherow (Derry), Iwerdhon Gledh, war dhy'Sul, 30 Genver 1972 pan dennas lu Pow Sows 26 a dhinasydhyon, ow ladha 14.

Y krysir bos an worladhva bomm marwel dhe'n movyans gwiryow civil difreudhek yn Iwerdhon Gledh ha kentryn meur dhe'n IRA hag erel a argya dell o omladh arvek an unnik gorthyp.

Tennys veu 26 a brotestyoryon gwiryow civil gans soudoryon Lu an Ruvaneth Unys, dre vras gans unses a 2 Para (The 2nd Battalion The Parachute Regiment). Ledhys veu 13, 6 anedha fleghes 17 bloodh, war an dydh gans unn aral ow merwel peswar mis awosa drefen goliow kevys y'n hwarvedhyans. Tus a welas an hwarvedhyans, ow komprehendya jornalysi, a dhustunias bos pubonan tennys heb arvow. Tennys veu pymp anedha yn aga heynow. An re ledhys a gomprehendyas pronter Katholik a assayas difres onan a'n dhinasydhyon erel a worwedhas war an leur wosa ev dhe vos tennys.

Gwithys veu govynadow sodhogel dhe'n hwarvedhyans yn-dann venystrans Justis Wiggins a dhegemeras derivans an Lu Bretennek. Ny veu kevys nagonan a'n soudoryon kablus, ha enorys veu eseli a 2 Para gans Elisabeth II awosa.

Y hweler ynwedh[golegi | pennfenten]

  • Bloody Sunday fylm ow tochya an hwarvedhyans
  • Sunday Bloody Sunday, kan gans U2