Dolly Parton
| Dolly Parton | |
|---|---|
 | |
| Genys |
Dolly Rebecca Parton  19 Genver 1946 Pittman Center |
| Mernans |
25 Est 2026 a kanker Vanderbilt-Ingram Cancer Center |
| Galwesigeth |
gwarier, person negys, ilewydh pow, askorrer film, composydh, kaner, instrumentalist, omgemeryer |
| Gis |
ilow aweyl, popp pow |
| Tas |
Robert Lee Parton |
| Mamm |
Avie Lee Parton |
| Pries |
Carl Thomas Dean |
| Neskerens |
Bill Owens |
| Pewasow |
الميدالية الوطنية للفنون, Library of Congress Living Legend, star on Hollywood Walk of Fame, Time 100, American Library Association Honorary Membership, Country Music Association Award for International Achievement, Rock and Roll Hall of Fame |
| Gwiasva |
https://www.dollyparton.com/ |
| Eseleth |
Porter Wagoner & Dolly Parton |
| Sinans | |
Dolly Rebecca Parton (19 mis Genver 1946 – 25 mis Est 2026) o kaner ha kanskrifer kanow pow ha gwerin, komposydh, gwarier, dengarer hag awtour Amerikanek a waynyas pewasow Grammy.
Hi a dheuth ha bos onan a'n ilewydhesow an moyha sewen yn istori. Yma 25 kanow niver-onan dhedhi (rekord rag ilewydhes bow ha gwerin) ha 44 kuntilow pow ha gwerin topp-10 dhedhi (rekord rag ilewydhyon pow ha gwerin oll). Yth esa 110 a hy hanow y'n chart dres 40 bledhen.
Aswonnys yw hi rag hy han topp-tri "Here You Come Again" ha'n kanow niver-onan "9 to 5", "Jolene" hag "Islands in the Stream" (kan dhewdhen gans Kenny Rogers).
Hi re waynyas deg pewas Grammy ha hi a veu henwys y'n rol verr 49 gweyth. Hi re wyanyas deg Country Music Association Awards ha hi yw onan a saw seyth benyn dhe waynya pewas Country Music Association's Entertainer of the Year Award. Ynwedh, yma dhedhi pymp pewas Academy of Country Music Awards, peswar pewas People's Choice Awards ha tri pewas American Music Awards.
Yn 1999, Parton a veu gorrys yn Country Music Hall of Fame. Hi re wrug komposya moy es 3,000 kan, y'ga mysk "I Will Always Love You" (sewen pop keswlasek rag Whitney Houston), "Jolene", "Coat of Many Colors" ha "9 to 5".
Avel gwarier, hi a sterennas yn fylmow 9 to 5 (1980), The Best Little Whorehouse in Texas (1982) (rag henna hi a veu henwys y'n rol verr pewas Golden Globe avel an gwella gwarier), Rhinestone (1984), Steel Magnolias (1989), Straight Talk (1992) ha Joyful Noise (2012).
Dengarer a vri o hi. A-ban an bledhynnyow 80, hi a skoodhyas lies tra alusenek, dres oll y'n gwel lettryseth, dre hy Dollywood Foundation. Hy thowlen lettryseth a wra danvon unn lyver an mis dhe bub flogh ynno - hemm yw moy es 850,000 flogh yn Statys Unys, Kanada, an Ruvaneth Unys, Ostrali hag Iwerdhon - a-dhyworth aga genesigeth bys yn skol. Hi a oberi dhe dhendil arghans rag skilys erel, an American Red Cross, SIA (Syndrom Immunodifyk Akwirys), tanyow gwyls 2016 yn Amerika, hwithrans kurungylgh hag erel.
Genys veu Parton yn krowji unn-stevel ryb avon Little Pigeon River yn Pittman Center, Tennessee. Pur voghosek ens i. Yma endometriosis warnedhi. Hi a dhegemeras lies leuvvedhegneth kosmetek rag gwitha hy imach a vri. Parton yw mamm vesydh kaner ha gwarier Miley Cyrus.
Yma'n erthygel ma owth usya an Furv Skrifys Savonek a-barth Kernowek kres.