Delyow Sevi

Delyow Sevi yw kan goth yn Kernewek. Ensampel yw a gan dhyworth an taves hengovek. An ganores a Gernow, Brenda Wootton, a gana versyon war-barth ha Robert Bartlett, a veu diskwedhys war hy huntel Sentinel 1975 Starry Gazey Pie.

Geryow

Ple'th esowgh hwi ow mos, mowes vludh ha teg
Gans agas bejeth gwynn, ha'gas blew melyn?

My a vynn mos dhe'n venten, syrra hweg

Rag delyow sevi a wra mowesi teg.

A allav vy mos genowgh hwi, mowes, vludh ha teg
Gans agas bejeth gwynn, ha'gas blew melyn?

Gwrewgh mar mynnowgh hwi, syrra hweg

Rag delyow sevi a wra mowesi teg.

Fatel vydh mar kwrav vy agas gorra hwi y'n dor,
Gans agas bejeth gwynn, ha'gas blew melyn?

My a vynn sevel arta, syrra hweg,

Rag delyow sevi a wra mowesi teg.

Fatel vydh mar kwrav vy agas dri hwi gans flogh,
Gans agas bejeth gwynn, ha'gas blew melyn?

My a vynn y dhon, syrra hweg,

Rag delyow sevi a wra mowesi teg.

Piw a vynnowgh hwi kavos rag syrra rag'as flogh,
Gans agas bejeth gwynn, ha'gas blew melyn?

Hwi a vydh y syrra, syrra hweg,

Rag delyow sevi a wra mowesi teg.

Pandr'a vynnowgh hwi kavos rag lennow rag'as flogh
Gans agas bejeth gwynn, ha'gas blew melyn?

Y das a vydh treher, syrra hweg

Rag delyow sevi a wra mowesi teg.

Porth Kernow – Tre rag folennow ha klassys Wikipedya a-dro dhe Gernow.