Cecilia Payne-Gaposchkin

Cecilia Payne-Gaposchkin
Cecilia Payne-Gaposchkin
Genys	Cecilia Helena Payne ; 10 Me 1909 ; Wendover
Mernans	7 Kevardhu 1979 ; Cambridge
Trigva	Lexington
Kenedhlogeth	Pow Sows Statys Unys
Alma mater	Pennskol Harvard; Kolji Radcliffe; St Paul's Girls' School; Newnham College ;
ymgynghorydd y doethor	Harlow Shapley; Arthur Eddington ;
Galwesigeth	steronydh, dyskador pennskol, astrophysicist
Arvether	Harvard College Observatory; Pennskol Harvard; Smithsonian Astrophysical Observatory ;
Tas	Edward John Payne
Pries	Sergei Gaposchkin
Neskerens	Dilys Powell
Pewasow	Pewas an Arethor Henry Norris Russell, Pewas Annie Jump Cannon yn Steronieth, Esel an AAAS, Rittenhouse Medal
Eseleth	Akademi Art ha Godhonieth Amerika, Kowethas Filosofiethek Amerika, American Astronomical Society
Sinans

Godhonydh a'n Ruvaneth Unys o Cecilia Payne-Gaposchkin (10 Mis Me 1900 – 7 Mis Kevardhu 1979), a aswonnys yn fenowgh avel steronydh, akademek ha sterfysegydh.

Manylyon personel[golegi | pennfenten]

Genys veu Cecilia Helena Payne an 10ves Mis Me 1900 yn Konteth Buckingham, onan a dri flogh dhe Emma Leonora Helena (née Pertz) hag Edward John Payne, dadhelor a Loundres. Hy thas a verwis pan o hi peswar bloodh. Res o hy mamm maga an teylu war hy honan wosa henna. An teylu a removas dhe Loundres pan o hi dewdhek bloodh, ha hi eth dhe Skol Mowysi Sans Pol pan o hi etek bloodh. Ena Gustav Holst, dyskador ilow y'n skol, a vynsa hi dhe sewya resegva yn ilow, mes gwell o gensi skiens. An nessa vledhen, hi a gavas skolheygieth dhe studhya yn Pennskol Kergront. Ny gavas hi gradh drefen hy reydh. Ny wrug Pennskol Kergront ri gradh dhe venenes bys yn 1948. Wosa metya Harlow Shapley hi a gavas gront dhe studhya yn mirva Harvard yn 1923. Yn 1933 hi a vetyas sterfysegydh Russek Sergei Gaposhkin yn Almayn. I a dhemedhis an nessa vledhen.

Resegva[golegi | pennfenten]

Yn 1925 hi o an kynsa den dhe waynya PhD yn steronieth a Golji Radcliffe, Pennskol Harvard. Titel an assay o ' Ayrgylghow sterek: kevro dhe'n studhyans aspiansek a wiskansow gorthtreylyek ster '. Hy diskudhans o bos an keth nivelyow perthynek a vetelyow y'n Howl hag y'n Norvys ha planetys erel, mes bos lower moy a hidrojen a heliom y'n Howl. Y'n termyn na, kesakordyans skiensydhyon o bos an keth nivelyow a bub elven y'n Howl ha Norvys. Steronydh Otto Struve a dheskrifas hy ober avel "an assay PhD moyha brintin a skrifys yn steronieth bythkweth".

Wosa hemma hi a studhya ster chanjus, ow kul 3,500,000 a aspiansow anedha. Yn hy nessa lyver, hi a dhisplegya an fordhow a usys gans ster dhe evolvya. Yn 1956 apoyntys veu hi avel professor, an kynsa benen yn Harvard. Awen o hi dhe lower a venenes erel yn steronieth hag y'n skiensow erel.

Yn-mysk an pewasow a waynys gensi rag hy ober yw an re ma a sew. Pewas Henry Norris Russell ha Pewas Steronieth Annie J. Cannon.

Eseleth fondyansow adhyskansek[golegi | pennfenten]

Pennskol Harvard
Mirva Kolji Harvard

Eseleth a vagasow ha kowethasow[golegi | pennfenten]

Akademi Artys ha Skianseth Amerika
Kowethas Filosofek Amerika
Kowetha Steroniethel Amerika

Yma'n erthygel ma owth usya an Furv Skrifys Savonek a-barth Kernowek kres.