Brythonek
| Brythonek | |
|---|---|
| Kewsys yn: | Enys Breten |
| Klasyans genynnek: | Eyndo-Europek |
| Oos | 6ves kansvledhen K.O.K dhe 6ves kansvledhen O.K |
| Rannyethow | Brythonek north - Piktek koth Brythonek west -Kembrek koth ha Kumbrek koth Brythonek soth-west - Kernewek koth |
| Savla Soedhogel: | |
| Kodennow | |
| ISO 639-3 | - |
| Rol Linguist | brit |
| Linguasphere | 50-AB |
Skorenn a'n teylu yethow Keltek yw an tavosow Brythonek, usi gelwys nepprys Predennek. (Goedhelek yw an skorenn arall.) Y kewsir teyr yeth vrythonek a-lemmyn:
- Kembrek yn Kembra hag Arghantina gans nebes 611 000 berson
- Kernewek yn Kernow (hag Ostrali, Pow Sows, h.e.) gans martesen 3 500 berson (mes ny's kewsons yn freth marnas nebes kansow anedha)
- Bretonek yn Breten Vyghan gans nebes 275 000 berson
Yth esa an tavosow brythonek kyns kesunys bys diwedh an Oesow Kres, mes nebes dyffransow yntra Kembrek ha Kernewek-Vretonek a omdhiskwedhas y'n 8ves kansblydhen. Y kewsys rannyethow brythonek yn Dewnans bys an 10ves kansblydhen; yn Kledhbarth Pow Sows ha Deghowbarth Alban bys an 13ves kansblydhen martesen (homm yw an yeth "Kumbrek" po Cumbrian), ha Kledhbarth Alban bys an 11ves kansbledhen (hemm yw Piktek,an yeth kowsys gans an Piktyon).
Kembrek a'n jeves an sallwa studh soedhogel. Y hyllir klywes Kembrek yn Kuntelles Kenedhlek Kembra, yn pennskolyow, eglosyow, ha war an radyo ha pellwolok. Kernewek yw aswonnys avel yeth ranndiryel Kernow a-dhia mis Du 2002; mes nyns eus an studh ma hwath dhe Vretonek. Byttegyns, governans an ranndir Breten Vyghan a selyas Ofis ar Brezhoneg rag avonsya an devnydh a Vretonek.