Broweghereth

Dhyworth Wikipedya, an godhoniador rydh
Jump to navigation Jump to search
Omsettyans browagh 11ves mis Gwynngala 2001orth an Gresenn Kenwerth Ollvysel

Broweghereth yw gul devnydh a own ha freudh dhe ownekhe kowethasow po governansow, po erbynn krysieth. Yth hwrussys lies eghenn a gowethyansow sosyel po politek devnydh a vroweghereth dhe dhrehedhes aga amkanow. Hanow an dus a wra broweghereth yw broweghysi. Sel broweghereth arnowydh yw an ober Sergey Nechayev, gwreydhyas russek neb a dhisplegyas towlennow dhe vroweghi.

Kales yw styrya broweghereth. Nyns eus styr dhedhi yn lagha soedhogel orth nivel keswlasek. Yssynsys yn styryow kemmyn a vroweghereth yw menek a wriansow freudhek ervirys er ownekhe (broweghi). Y hyll henna bos gwrys er amkan kryjyansek, politek po krysiethek, hag y hwrons devnydh a freudh erbynn an lagha. Nebes styryow yssynsys y'n jydh hedhyw yw gwriansow a freudh erbynn an lagha, ha bresel. Nyns yw gul devnydh a wriansow haval gans bagas galweythel henwys broweghereth, dell yw usys. Y hyllir henwel an keth gwriansow broweghereth pan vons i gwrys gans bagas gans achesonys politek.

Yma moy es 10,000 styr a vroweghereth. Treweythyow y fydh an keth bagas bos deskrifys avel "kasoryon rydhsys" gans aga skoedhyoryon ha "broweghysi" gans aga erbynnoryon. Yth yw an term "broweghereth" usys yn fenowgh gans governansow dhe gabli erbynnoryon bolitek.

Yth yw unn furv a vroweghereth gul devnydh a freudh orth anvreselogyon er gwaynya aswonnvos rag bagas, amkan, po unnigynn.

Herwydh an Fondyans Kovek Lett rag Broweghereth, y ladhas broweghysi 20,498 a dus dhe 2006. Yth omglewir an penneffeyth a vroweghereth der an own a wra hi.