Bre'n Krowsow

Bre'n Krowsow
Sort	ker
Doronieth
Konteth	Šiauliai
Gwlas	Lithouani
A-ugh an mor	105 Meter
Kesordnogyon	56.01528°N 23.41667°E
	Restrennow kelmys war Wikimedia Kemmyn
	[edit on Wikidata]

Bre'n Krowsow (Lithuaniek: Kryžių kalnas Leveryans) yw tyller pergherynses a-dro dhe 12 km dhe'n gledh a cita Šiauliai, yn Gogledh Lithuani. Y krysir tus dhe settya an krowsow kynsa war an vre (ker Jurgaičiai po Domantai kyns) wosa omsav 1831. Dres an bledhynnyow settyes veu krowsow, krowsbrennow, delow Gwerhes Ker Marya, kervyadow gwlaskaroryon, ha milyow a dhelow byghan ha pederow y'n tyller ma gans pergherinyow Katholik. Anwodhvedhys yw an niver kywar a growsow, mes yma dismygrivow o 55,000 yn 1990 ha 100,000 yn 2006. Tyller posek rag pergherynses yw hwath.

Istori

Arwodh yw an tyller ma a berthyans hebask pobel Lithuani yn spyt godrosow er aga fynn dres an kansvledhynnyow. Yn 1795 y teuth Lithuani dhe vos rann an Emperoureth Russek. Polakyon a Lithuanians a rebellyas erbyn awtorita Russi yn 1831 ha 1863. Ny wodhva teyluow y'n le may hworwedha korfow an rebels. I a dhallathas drehevel krowsow war an ker kyns.

Niver a growsow
1800s	a-ugh 9,000
1900	130
1902	155
1922	50
1938	a-ugh 400
1961	distruys 5,000
1975	distruys 1,200
1990	adro dhe 55,000
2006	a-ugh 100,000

Wosa anserghogeth yn 1918, usys o Bre an Krowsow avel tyller may hylli Lithuanians pysi gans kres, gans aga gwlas ha'ga neskerens a ledhys dres an Breselyow Anserghogeth.

Dres an bledhennyow 1944–1990, pan sesyes veu Lithuani gans an Unyans Sovyetek usys o an vre gan Lithuanians dhe dhiskwedhes aga honanieth, ertach ha kryjyans gwir. Yth oberi an awtoritas Sovyetek dhe herdhya an krowsow a-ves (kepar hag assays yn 1963 ha 1973).

War an 7ves Mis Gwynngala, 1993, y teuth Pab John Paul II dhe weles Bre an Krowsow, yn unn leverel hy bos tyller rag govenek, kres, kerensa ha sakrifis. Yn 2000 ygerys o ankarji Franciscan war an savla. Yn Mis Me 2013, Burjestra Ranndir Šiauliai a dhegemeras rewlys nowydh rag settya krowsow. Pobel a yll settya krows le na 3m a ughelder heb kummyas.

Yn Mis Kevardhu 2019, tournyas benow a China a worras a-ves krows settyes gans bagas pro-demokratieth Hong Kong. War Twitter hag Instagram yn medh, "Ni re wrug pyth da hedhyw. Meur yw agan mammvro." Menyster Tramor Lithuania Linas Linkevičius a dhampnyas gwrians an venen war Twitter. Ev a leveris y vos "ober vandalieth methus ha vil na yllir y wodhaf."

Mirva

Chapel
Pab John Paul II
Bre an Krowsow yn nos

Kevrennow

Yma'n erthygel ma owth usya an Furv Skrifys Savonek a-barth Kernowek kres.