Gweles an bennfenten rag Artemisia Gentileschi

{{Den | fetchwikidata=ALL | onlysourced=no | suppressfields= }}

'''Artemisia Gentileschi''' (8ves Gortheren, 1593 – c. 1656) o lymner [[Itali|Italek]] Baroque, aswonnys avel onan a'n lymnoryon an moyha roasek y'n [[17ves kansbledhen|17ves kansvledhen]]. Yn osweyth pan esa chonsyow boghes rag [[Benyn|benenes]] dhe holya trenyans po resegva yn [[art]], Artemisia o an kynsa benyn dhe dhos ha bos esel Accademia di Arte del Disegno yn [[Florens|Florens.]]

Genys veu hi yn [[Rom]]. An kynsa flogh a lymner Tuskan Orazio Gentileschi o hi. Hi a worfennas hy hynsa lymnans, ''Susanna ha'n Henavogyon'', pan o hi 17.Ynno y hwelir yn py maner y kesunyas hi gwirvosogeth Caravaggio gans neb awedhyans a’n gis klassek usys gans Annibale Carracci ha lymnoryon erell dhyworth Bolonya. Drefenn hi dhe dhispletya roas brassa ages hy breder, y hallas Orazio fasya yn hy hever y’n vledhen 1612, pan nag o na hwath 19 hy bloodh, bos Artemisia ‘heb par y’n alwesigeth lymnans.’ 

Hy lymnans an moyha aswonnys yw ''Judith ow ladha Holofernes'' hag yma meur a venenes a-dhyworth mythologieth ha'n [[Bibel]] yn lymnansow Artemisia. Artemisia o aswonnys rag gallos lymna an furv benow fest yn naturel ha rag hy sleyneth usya liwyow rag diskwedhes drama ha myns.

Hy howlwrians avel lymner o gorskeushes gans hwedhel a'y ravnans gans koweth hy thas Agostino Tassi yn 1611 ha hy hemeres rann yn y drial.

Roberto Longhi, barner Italek, a skrifas a ''Judith ow ladha Holofernes'': "Yma a-dro dhe seytek ha dew-ugens lymnans gans Artemisia Gentileschi ha 94% (49 anedha) a dhiskwedh benenes avel person chyf po avel kehaval orth gwer." Y'ga mysk, ''Jael ha Sisera'', ''Judith ha hy Maghteth'', hag ''Esther''. Yth esa fowt a nasennow "benow" kemmyn dhe'n benenes ma —finder, ownekter, gwannder—y'ga le personolethow kolonnek, trehwelek ha nerthek.

==Mirva==
<gallery widths="200" heights="220">
Restren:Artemisia Gentileschi - Judith Beheading Holofernes - WGA8563.jpg|alt=Judith ow ladha Holofernes|''Judith ow ladha Holofernes'',1614–1620, 199×162 cm, Florens
Restren:Artemisia Gentileschi - Judith and Her Maidservant with the Head of Holofernes - 52.253 - Detroit Institute of Arts.jpg|alt=Judith ha hy Maghteth|''Judith ha hy Maghteth'', 1625, Detroit Institute of Arts
Restren:Susanna and the Elders (1610), Artemisia Gentileschi.jpg|alt=Susanna ha'n Henavogyon|''Susanna ha'n Henavogyon'', 1610, hy hynsa oberen, Pommersfelden
Restren:Artemisia Gentileschi - Sleeping Venus.JPG|''Gwener ow koska'', c. 1625–1630, Virginia Museum of Fine Arts 
</gallery>

{{unn k}}

[[Klass:Dinethyansow an 16ves kansvledhen]]
[[Klass:Italianesow]]
[[Klass:Lymnoryon]]
[[Klass:Mernansow an 17ves kansvledhen]]