Annie Jump Cannon
| Annie Jump Cannon | |
|---|---|
 | |
| Genys |
11 Kevardhu 1863  Dover |
| Mernans |
13 Ebrel 1941 Cambridge |
| Kenedhlogeth |
 Statys Unys |
| Alma mater |
|
| Galwesigeth |
steronydh, fisegydh, dyskador pennskol, astrophysicist |
| Soodh |
curator |
| Arvether |
|
| Aswonnys rag |
Harvard spectral classification |
| Chyf delanwes |
Sarah Frances Whiting |
| Tas |
Wilson Lee Cannon |
| Pewasow |
Hel a Vri Kenedhlek rag Benenes, Henry Draper Medal, Hall of Fame of Delaware Women, Honorary doctor of the University of Groningen, Honorary doctor of the University of Oxford, Fellow of the American Association for the Advancement of Science |
| Eseleth |
Harvard Computers, Kowethas Filosofiethek Amerika, American Astronomical Society, Royal Astronomical Society, Phi Beta Kappa Society, Maria Mitchell Association |
Steronydh Amerikanek o Annie Jump Cannon. Genys o Mis Kevardhu 11, 1863 yn Dover, Delaware ha merwis veu Mis Ebrel 13, 1941 yn Cambridge, Massachusetts. Gans Edward G Pickering, hi a wrug an kevreyth dhe glassa ster, h.y. an Kevreyth Klassa Harvard, selys war dempredh ha klass kammnevesek.
Bewnans
[golegi | pennfenten]Annie Jump Cannon o an kynsa a deyr myrgh dhe Wilson Cannon, ser lestri a Delaware ha senedhor an Stat, ha'y nessa gwreg, Mary Jump. Mamm Cannon veu an kynsa dhe dhyski an rannevesow dhedhi, owth usya hen lyver steronieth dhe aswon an ster.
Cannon a gemeri kussul hy mamm, dhe wul resegva a steronieth. Hi a gollas hy hlew pan vo hi flogh, martesen drefen an kleves kogh. Marnas henna personoleth Cannon o gwresek. Hi a dhewisas na wrussa kavos fleghes.
Hi a asas dyworth Kolji Wellesley yn 1884 gans gradh yn fisegieth. Ynter 1884 ha 1892 hi a assaya gwellhe hy sleyneth skeusenweyth. Wosa mernans hy mamm yn 1894, Cannon a skrifas orth hy dyskador kyns a Golji Wellesley, professor Sarah Frances Whiting, dhe wovyn rag ober. Apoyntys veu hi avel dyskador fisegieth. Dhe sewya hy bern yn steronieth, hi a dhallathas steus yn Kolji Radcliffe (yn le may taslavarsa dyskadoryon a Bennskol Harvard aga arethyow dhe vowysi an Kolji). Cannon a alsa usya Aspiansva Pennskol Harvard, hag yn 1896 hi a gavas ober gans Edward C. Pickering, kevarwodher an virva.
Ober steroniethel
[golegi | pennfenten]Yn hy ober, yth esa Cannon ow mires ster, yn unn assaya aga hlassa, a-dro dhe 400,000 anedha. Hi a dhevisyas an Kevreyth Klassa Harvard. An Kevreyth Harvard a glassa ster herwydh tempredh ha liw an golow. Hi a gavas lies pewas yn hy bewnans, rag ensampel, Pewas Owr Henry Draper an Akademi Kenedhlek Skiensow ha Pewas Ellen Richards. Ynwedh hi o an venen gynsa dhe gavos doktourieth onourek yn skiens gans Pennskol Rysoghen. Hi a dhiskudhas 300 a ster chanjus, 5 nova hag unn steren dhewek. Hi a omdennas yn 1940.
Anjustis
[golegi | pennfenten]Cannon a enebi lies anjustis yn hy bewnans. Hi o skiensydh benow yn bys a wer. Res o hi pledya hy has hy honan. Ynwedh hi o bodhar, heb hedhas dhe dharbar klewes.
Pewas Annie Jump Cannon
[golegi | pennfenten]An Kowethas Steroniethel Amerikanek a dhiskwedh an Pewas Annie Jump Cannon pub bledhen dhe steronydhyon benow rag ober wordhi yn steronieth.
Yma'n erthygel ma owth usya an Furv Skrifys Savonek a-barth Kernowek kres.