Ankrydoryon Vor

Ensampel a	tus, oos istorek, gonisogeth, gis
Dallethys	793
Restrennow kelmys war Gemmyn Wikimedia

Ankrydoryon Vor yw an hanow arnowydh res dhe dus vora a Loghlyn (po Skandinavi, henn yw Danmark, Norgagh ha Swedherwyk a-lemmyn) yn gwreydhyel hag a wrug omsettya, morladra, kenwertha ha trevesiga dres Europa a'n 8ves kansvledhen diwedhes bys yn 11ves kansvledhen. I a viajyas dhe'n Kresvor, Afrika Gledh, Volga Bulgari, an Est Kres ha Amerika Gledh. Yn nebes a'n powyow may hwrussons omsettya orta ha trevesiga ynna, an oos ma yw aswonnys avel Oos an Ankrydoryon Vor. An ankrydoryon vor a effeythas istori kresosel a-varr a Loghlyn, an Enesow Keltek, Pow Frynk, Estoni ha Kievan Rus'.

Marners konnyk war aga skathow hir, an ankrydoryon vor a fondyas gwlasvaow norsk ha governansow yn Enesow Keltek, Enesow Faroe, Rewenys, Greunland, Normandi hag arvor Baltek, keffrys ha a-hys fordhow-kenwertha Dnieper ha Volga a-dreus Russi, Belarussi hag Ukrayn a-lemmyn. An dus norman, norsk-godhyli, tus rus', faroek ha rewenysek a dhallathas a'n wlasvaow norsk ma. An ankrydoryon vor a viajyas dhe Iran hag Arabi, ha bagas a ankrydoryon vor a Rus' a viajyas pell lowr dhe'n soth dell wrussons i omsettya orth Sita Konstentin. An kynsa tus Europek yns dhe dhrehedhes Amerika Gledh ha trevesiga, yn berr, Tir Nowydh. Hag i ow lesa gonisogeth norsk dhe diryow estren, i a dhros kethyon, gordherghow ha delanwesow gonisogethel estren dhe Loghlyn ha hemm a veu delanwes meur war dhisplegyans genynnek hag istorek. Dres Oos an Ankrydoryon Vor, mamvroyow norsk a veu kreshes yn gradhyel a ruvanethow byghanna yn tri ruvaneth meurː Danmark, Norwgagh ha Swedherwyk.

An ankrydoryon vor a gewsi Hen Norsk ha gul gravyansow yn runyow. Rag an brassa rann a'n oos, i a holyas kryjyans Hen Norsk, mes diwettha i a dheuth ha bos Kristonyon. Yth esa aga laghys, art ha pennserneth aga honan dhe'n ankrydoryon vor. An ankrydoryon vor o tiogyon, pyskadoryon, kreftoryon ha gwikoryon. Tybyansow kemmyn a'n ankrydoryon vor yw dyffrans a'n dus a wrug hwarheans avonsys ha kompleth, dell wonn dre bennfentennow istorek ha hendhyskoniethek. Portrayansow kemmyn y'n jydh hedhyw yw selys, dre vras, war batrons skwir a dus gwyls nobyl yn basnets gans ̟kern.

Yma'n erthygel ma owth usya an Furv Skrifys Savonek a-barth Kernowek kres.

Onan a'n mil erthygel posekka war Wikipedya yw an erthygel ma.