An Vreder Grimm

Dhyworth Wikipedya, an godhoniador rydh
Portrayans a Wilhelm (kledh) ha Jacob Grimm (dyghow) gans Elisabeth Jerichau-Baumann yn 1855.

An Vreder Grimm (Almaynek: Brüder Grimm po Die Gebrüder Grimm), Jacob (1785–1863) ha Wilhelm Grimm (1786–1859), o akademogyon, yethoryon, hwithroryon wonisogethel hag awtours almaynek, a guntela hag a dhylli liennow gwerin. I yw neb a'n mogha aswonys awtours a dhrollow gwerin, i a wre drollow gerys-da kepar ha: "Sinderik" (Aschenputtel), "An Kwylkynbennsevik" (Der Froschkönig), Hensel ha Gretel (Hänsel und Gretel), "Rapunsel", "Rumpelstiltsik" (Rumpelstilzchen), hag "Erghwynnik" (Schneewittchen). Aga hensa kuntel a dhrollow gwerin, Kinder- und Hausmärchen (Drollow fleghes ha meni), o dyllys yn 1812.