An Oerwyns

Gwarnyans magor: yma manylyon an darvosow po an diwedh ow sywya.

An Oerwyns yw hwedhel gwir skrifys gans William Penrose, tiek a Lannust. An hwedhel a dheskrif y viaj der oerwyns 1891. Treylys veu an lyver dhe Gernewek gans Tony Hak, ha dyllys gans Kowethas Kernewek City Lit. a Loundres. Skrifys yw y'n Furv Skrifys Savonek, Kres. Lyver gwiw dhe dhyskoryon, ev a gomprehend an tekst Sowsnek, tu ryb tu ha'n Kernewek.

William Penrose a asas y vargen tir yn Lannust 9 Meurth 1891 rag mos dhe Druru. A-dro dhe hanter-dydh hi a wra ergh, ytho ev a erviras mos tre. Ev a asas Pennsans seyth eur gorthugherweyth, ha res o dhodho spena nos yn skovva ke dres nos. An nessa myttin ev a besyas war y viaj bys dhe dhrehedhes bargen tir Jericho. Ena ev a spenas remenant an jydh ha'n nessa nos, ow trehedhes tre dohajydh 11 Meurth.

An lyver a gomprehend notennow styryansek skrifys gans Penny Champion, diyskynnyas dhe'n keth teylu ha mappa a'n viaj, ha chaptra ow tisplegya an pyth a hwarva a-wosa.