Amanda Gorman
| Amanda Gorman | |
|---|---|
 | |
| Genys |
7 Meurth 1998  Kaliforni, Los Angeles |
| Kenedhlogeth |
Statys Unys |
| Alma mater |
|
| Galwesigeth |
prydydh, gweythresor, gweythresor politek |
| Aswonnys rag |
The Hill We Climb, Vital Voices |
| Pewasow |
Prydydh Lorys Yowynkneth Keswlasek, Women of the Year, TIME100 Impact Awards, Goodreads Choice Awards, Goodreads Choice Awards, Children's and Family Emmy Awards |
| Gwiasva |
https://www.theamandagorman.com/ |
Amanda S. C. Gorman (genys Meurth 7, 1998) yw prydydh ha gweythresor. Hy bardhonogow a wra fogella orth arwask, benelogorieth, hil hag amalekheans, hag ynwedh an keskar afrikan.
Gorman a veu genys mis Meurth an 7ves, yn Los Angeles, Kaliforni, yn 1998. Megys veu hi, heb tas, gans hy mamm, Joan Wicks, dyskador Sowsnek. Hi a studhyas sosyologieth yn Harvard College ha degemeres gradh cum laude yn 2020.
Gorman o an kynsa den dhe vos henwys "National Youth Poet Laureate" (KW: Prydydh Lorys Yowynkneth Keswlasek). Hi a dhellos lyver bardhonieth The One for Whom Food Is Not Enough yn 2015.
Yn 2021, hi a lennas hy bardhonek "The Hill We Climb" (KW: An Vre a Yskynnyn) dhe stallasyon Lewydh SU Joe Biden. Hy bardhonek stallasyon a dheuth ha bos meur y vri ha hware dew a'y lyvrow a dheuth ha bos gwerther-gwella.
Yn mis Hwevrer 2021, Gorman a veu golowboyntys yn lyver-termyn Time yn rol 100 Nessa, yn-dann an klass Phenoms, gans profil skrifys gans Lin-Manuel Miranda. Yth esa hi war an gudhlen ynwedh.
Yn 2017, hi a leveris y fynn hi ombrofya rag soodh an lewydh yn 2036. Katholik yw hi.
Yma'n erthygel ma owth usya an Furv Skrifys Savonek a-barth Kernowek kres.