486958 Arrokoth
 | |
| Ensampel a |
cubewano, korf dewek kestav  |
|---|---|
| Dydhyas diskudhans |
26 Metheven 2014 |
| Pellder dhyworth an Norvys |
6,500,000,000 |
| Echreiddiad orbital |
0.052391161103191 ±0.42 |
 Restrennow kelmys war Gemmyn Wikimedia | |
Taklen dreus-Neptunek ew Arrokoth desedhys e'n Grugys Kuiper e'gan system howlek. Hy apoyntyans rag tro o 2014 MU69 ha'y leshanow gwreydhek o Ultima Thule. Ema niver planetik genji, hebm ew 486958.[1] Ema genji diw radn a shapys dyffrans hag a veu junys war-barth, 35km a hirder (22 mildir). Lebmyn henwys ew an dhiw radn Ultima ha Thule. An eyl (Ultima) ew teyrgweyth mar vras es y gila (Thule) herwydh dalghedh. Gen termyn y resegva a 298 bledhen hag eskresegyans isel, klassys ew avel taklen rugys Kuiper klassek. En 2019 hebm o an pella ha'n kottha taklen a veu vysytys gen tavell efanvos.
Diskudhys veu Arrokoth 26 Efan 2014 gen steronydhyon owth uysa Teleskop Efanvos Hubble. Anjei a venja kawos kosten rag vysytya genan davell New Horizons woja hy vysytyans dhe Blouton. Henwys veu hi avel "Ultima Thule" drefen e'n yeth Latin, hebm o an pella teller a wodhvedhys e'n dedhyow klassek. Dewisys veu an hanow woja kesstrif poblek en 2018. An hanow Arrokoth a dheu a'n yeth Powhatanek (yeth marow a Maryland, an Statys Unys), gen an styr ebron.
Pur rudh ew spektrum Arrokoth, ow tiskwedhes presens methanol, hidrojen cyanid, rew dowr ha kemmyskansow organek war hy enep. An liw rudh a dheu dhort kemmyskansow organek henwys tholinow. Nynj eus meur a gowdellow drefen hy bos re bell dhort an Howl. Ema taklednow treus-Neptunek ow kwaya en lent, re lent dhe vurvya kowdell dre danbellans. Hedn ew fatel teuth an dhiw radn a Arrokoth warbarth.
Mirva
[golegi | pennfenten]
Dustuniow
[golegi | pennfenten]Ma an erthygel ma usya an Furv Skrifys Savonek a-barth Kernowek diwedhes.