Parth termyn

Dhyworth Wikipedya, an godhoniador rydh
(Daskevarwodhys dhyworth Parth dermyn)
Mappa Parthow Termyn Savonek an Bys (herwydh mis Est 2015)

Parth termyn yw an fordh dell yw rynnys an bys dhe 24 parth, pub onan gans termyn dyffrans, ha hanow dyffrans, kehelevys a UTC (Termyn Ollvysel Kesordenys – Co-ordinated Universal Time). Y tallethas UTC avel Termyn Kresek Greenwich (Greenwich Mean Time) yn 1675. Hemm o pan veu drehevys an Aspiansva Riel yn Greenwich rag gweres gorholyon dhe gavos aga dorhys war an mor. GMT o an savon pan synsi pub cita termyn leel dyffrans. Mes pan dhallathas hensi horn treusperthi meur a dus yn uskis yntra citys gans termynyow dyffrans, i a usya parthow termyn rag sempelhe oberyansow. Erbynn 1900, ogas dhe bub termyn oll war an bys o yn furv parthow termyn.

Erbynn lemmyn UTC yw savon termyn dres an bys. Pub rann a’n bys yw rekordys (plus po minus) herwydh aga dorhys, dell yw usys gans owr dien, mes treweythyow gans hanter our po 45 mynysen.

Nebes rannow an bys a us Termyn Difres Golow Dydh (Daylight Saving Time), ha dres an spys ma, keworrys yw unn our dh’aga our howlyek usadow.

Niverys yw an parthow termyn kehelevys a UTC, ytho an barth termyn yn Los Angeles vydh UTC−8, yn Loundres UTC+0, yn Rom UTC+1, hag yn Delhi Nowydh UTC+5:30.