Losni

Dhyworth Wikipedya, an godhoniador rydh
(Daskevarwodhys dhyworth Kosk)
Klass fong Edit this on Wikidata
Commons page Restrennow kelmys war Gemmyn Wikimedia

Furv a fong yw losni, (Sowsnek - mildew). Y hyllir diberth losni dhyworth kosk (Sowsnek - mould) der y liw. Kosk a omdhiskwedh yn liwyow du, glas, rudh po gwyrdh, dell yw usys, ha losni gwynn. Tevyans tanow arenebel yw, ow konsistya a neusennow fongel munys, askorrys yn arbennik war blansow byw, po stoffow organek kepar ha prenn, paper po ledher. Ha kosk ha losni a askor flerow, ha'n dhew a yll kawsya nebes disesys denel.

Yma lies eghen a gosk. An kosk du a dyv yn soleryow ha leghow fenestri le mayth yw nivelyow leythder mygyl yw Cladosporium. Nyns yw liw pub tro arwodh da a'n eghen. Res kavos korrvewonydh rag diskudha an dyffrans. An kosk du kevys war stoffow selys war cellulos mayth yw nivelyow leythder pur ughel, (90% po moy), yw Stachybotrys chartarum, dell yw usys. S. chartarum a dyv war stoffow ow komprehendya cellulos, kepar ha fosbord, juta, gwel, kanstellow kala hag erel gwrys a baper. Ny wra tevi war blastek, vinyl, kestevyn, gweder, priweyth po alkennyow. Nebes eghennow erel a gosk, kepar ha Penicillium po Aspergillus, a omdhiskwedh tevi war an stoffow ma, mes yn gwiryonedh a dyv war an bewfylm usi ow klena dhe'n enebow ma.

An "losni" gwynnrudh a dyv yn fenowgh war groglennow kowas plastek ha priweyth stevel omwolghi yw y'n gwir an burm rudh Rhodotorula.