Gweles an bennfenten rag Kardydh

{{Tyller| gwlad = [[Image:Flag of Wales.svg|25px]] [[Kembra]] | suppressfields = }}

'''Kardydh''' ([[Kembrek]]: ''Caerdydd'') yw pennsita [[Kembra]], yn le 'ma Avon Tav owth omwaghe yn [[Mor Havren]]. Poblans an sita o {{WD Population}} a drigoryon; ytho, homm o an 16ves brassa trevesigeth y'n [[Gwlaskor Unys|Wlaskor Unys]].

An hembronkyas [[Rom|romanek]] Aulus Didius a fondyas an sita, hag yma'n gastell romanek hwath orth kres an dre. Kardydh a waynyas leun a les y'n [[19ves kansblydhen]], pan esa hi kres poesek a garyans [[glo]]. Port Kardydh, aswonnys avel Tiger Bay, a veu unnweyth onan a'n moyha bysi porth y'n [[norvys]] ha'n poesekka port glo y'n bys dreus neb prys. Yn [[1905]], Kardydh a dheuth ha bos 'sita' soedhogel. 

Erbysieth an sita re dheuth pur wann wosa diwedh [[Nessa Bresel an Bys]] yn [[1945]]. Kardydh a veu henwys avel pennsita Kembra yn [[1955]], hag a-dhia [[1999]], yma [[Kuntelles Kenedhlek Kembra]] owth esedh omma. Wosa termyn a wall hir, Tiger Bay a gav y dhasserghi avel kwartron artys, didhan ha donsya. Baya Kardydh, mordidek kyns bos drehevys Arge Baya Kardydh yn 1999, yw leun a dhowr frysk pupprys lemmyn, lenwys gans dew avon, Tav hag Eli. 
[[Restren:Cardiff_castle_autumn.jpg|thumb|300px|left|Kastell Kardydh y'n kynyav.]]

Yn gwlasegeth trevek, nyns eus maystri dres oll gans parti vydh lemmyn, mes yma'n [[LivWer]] an parti chyf. Yn kyrghynn an sita yma Pennskol Kardydh ha dew gollji a Bennskol Kembra.

== Tus geryes da genys yn Kardydh ==
* Ivor Novello
* Rhodri Morgan
* Roald Dahl
* Charlotte Church 
* Shirley Bassey
* Terry Nation
* Bobi Jones

== Gevellansow ==
* [[Stuttgart]], [[Almayn]]
* Naoned/[[Nantes]], [[Breten Vyghan]], [[Pow Frynk]]
* [[Luhans'k]], [[Ukrayn]]
* [[Hordaland]], [[Norgagh]]
* [[Xiamen]], [[China]]

== Devynnow ==
<references/>

[[Klass:Caerdydd| ]]