Richard Gendall

Richard Roscow Morris (po "Dick") Gendall (12 mis Ebrel 1924 – 12 mis Gwynngala 2017) o an tressa flogh a beswar hag unnik mab dhe'n Revrond Philip Parsons Gendall ha Mary EB Hand. Y das o pronter a oberas yn niver a bluvow yn Kernow keffrys hag yn Kanada, Coventry, Pow Sows ha'n Enesow Turks ha Kaykos le may feu genys Richard yn 1924. Ev a glewas Kernewek yn kynsa yn peder bloodh dhyworth y vamm ow redya henwyn an misyow dhodho dhyworth kalendar Kernewek. Ev a gavas gerlyver Kernewek Morton Nance avel ro pennbloodh pan veu neb pymthek bloodh, a gentrynnas y vern y'n yeth dhe voy. Wosa servis y'n Morlu yn Nessa Bresel an Bys, ev a studhyas yethonieth hag ilow yn Pennskol Leeds. Ena ev a dhallathas dyski Kernewek dhyworth R. Morton Nance hag A. S. D. Smith mes tullys ova drefen na veu kowsys hwath. Ev a dhallathas kaskyrgh rag dasserghi Kernewek avel yeth kowsys. Lies bledhen ev a veu dyskador Frynkek ha Spaynek yn Skol Ramasek Hellys.

Yn 1952 ev a dhallathas an lyver termyn Kernewek, An Lef, mes wosa bledhen ev a bassyas an lyver termyn yn rag dhe Talek. Yn 1956 ev a fonbdyas an lyver termyn Hedhyu, a dhuryas bys dhe 1962. Drefen y assays, fondyes veu Kesva an Taves Kernewek yn 1967.

Gendall a veu hembrenkyas chyf an movyans rag Kernewek Diwedhes a-dhia y dhalleth yn 1986. Gendall a gesoberas gans Robert Morton Nance, hag a skrifas Kernewek Bew – lyver gramasek a vri yn Kernewek Unys. Ev a veu awtour a niver a skrifow yn kever an yeth Kernewek, hag a wre kanow y'n taves warbarth gans Brenda Wootton. Ev a wre hwithra orth an Fondyans rag Studhyansow Kernewek, Pennskol Karesk. Gelvynak o y hanow bardhek, hag ev a veu berdhys yn 1949.

Rol a'y Skrifennow

Nyns yw an rol ma hwath kowal.

Kernewek Bew (Living Cornish). 1972
The Pronunciation of Cornish. Teere ha Tavaz, Mahunyes, 1991.
A Students' Grammar of Modern Cornish. Cussel an Tavas Kernuack, Mahunyes, 1991.
1000 Years of Cornish (Second Edition). Teere ha Tavaz, Mahunyes, 1994
Dictionary of Modern Cornish. Teere ha Tavaz, Mahunyes, 1992-1997.
Tavaz a Ragadazow – The Language of my Forefathers. Teer ha Tavaz, Mahunyes. 2000.
Practical Modern Cornish. Teer ha Tavaz, Mahunyes. 2003.

Porth Kernow – Tre rag folennow ha klassys Wikipedya a-dro dhe Gernow.