Zoulou

Dhyworth Wikipedya, an godhoniador rydh
Zoulou (isiZulu)
Kewsys yn: Africa Dhehow, Malawi, Mozambik, Pow Swati
Kewsys gans: 9 milvil
Clasyans genynnek: Nijero-Congoek
Rannyethow
Savla sodhogel: Africa Dhehow
Codednow
ISO 639-1 zu
ISO 639-2(B) zul
ISO 639-2(T) zul
SIL ZUU

Powyow in Africa Dhehow le mayth ujy an brassa nyver a Zoulouegoryon ow trega.

Zoulou yw ’eth bantou kewsys in Africa Dhehow, le mayth yw hy udn tavas sodhogel ha’n tavas moyha kemmyn oll. Yma moy ages 50% a boblans an wlas na ow convedhes an tavas; cowsoryon Xhosa, an tavas Nguni ûsyes yn arbednyk in pow Codna-Tir an Est, a yll onderstondya Zoulou. In statow KwaZulu-Natal, Gauteng ha Mpumalanga yma'n brassa nyverow a Zoulouegoryon. Avell davosow erel in dehowbarth Africa, yma in Zoulou lies son 'clyck': c ([ǀ], gwrÿs gans an dens), q ([ǃ], gwrÿs a-dhelergh an dens), ha x ([ǁ], gwrÿs gans tuyow an tavas).

Lien screfys in Zoulou a wrug omdhysqwedhes i'n 19ves cansbledhen gans treylyans an Beybel in 1883. John Dube ha Reginald Dhlomo o screforyon bosek in Zoulou i'n kensa hanter an 20ves cansbledhen. I'n eur ma, Zoulou yw ûsyes dre radyo, pellgowser, ha fylm. Yesterday (2004) o an kensa fylm a hireth plen i'n tavas. Jacob Zuma, an peswara lewyth a repoblek Africa Dhehow, a wor clappya Zoulou avell y gensa tavas.

An erthygel-ma yw screfys yn Kernowek Standard.