Kate Roberts
| Kate Roberts | |
|---|---|
 | |
| Genys |
13 Hwevrer 1891  Rhosgadfan, Cae'r Gors |
| Mernans |
14 Ebrel 1985 Dinbych |
| Kenedhlogeth |
Ruvaneth Unys |
| Alma mater |
|
| Galwesigeth |
skrifer, skrifer rag fleghes |
| Pries |
Morris Thomas Williams |
Awtoures gembrek a vri o Kate Roberts (13 mis Hwevrer 1891 - 4 mis Ebrel 1985) a skrifas y'n yeth Kembrek. Genys veu hi y'n wig Rhosgadfan y'n gonteth goth a Sir Karnarvon (yn Gwynedh y'n jydh hedhyw) ha merwis yn Dinbych. Aswonnys yw Kate Roberts avel "Myghternes an drolla berr" (Brenhines y stori fer).
Bewskrif
[golegi | pennfenten]
Genys veu Kate Roberts yn krowji hy theylu Cae'r Gors (Gwel an Hal) yn Rhosgadfan war runyow Mool Trevan. Mengleudhyer o hy thas. Hy bewnans yn Cae'r Gors ha'n wig o pur bosek yn hy gweythyow liennek a-varr. Hy auto-vewskrif Y Lôn Wen yw deskrifans a berth kov a's bewnans y'n arenebedh dhe'n pols na. An krowji Cae'r Gors re beu eylvyldyes avel gwithti a'n awtoures.
Hi eth dhe Ysgol y Cyngor (Skol an Konsel) yn Rhosgadfan ha dhe Ysgol Sir (Skol an Sir) yn Karnarvon wosa henna.
Hi a studhyas Kembrek yn Kolji Pennskol Kembra Bangor. Yth esa hi dyskadores yn Ystalyfera yn Kembraa Dyghow rag spys.
Hi a venystras an Gwasg Gee yn Dinbych gans hy gour Morris Williams. Hy gour a verwis yn 1946 ha hi a venystras an bysnis rag deg bledhen hy honan. Yn y lyver, Kate: Cofiant Kate Roberts 1891 - 1985 (Kate: Bewskrif Kate Roberts 1891 - 1985), Alun Llwyd a brofyas bos plegyansow kethreydhel dhe Roberts.
Hy gweyth liennek
[golegi | pennfenten]Hi a skrifas novelys ha drollow berr a-dro dhe voghosogneth ha kalester arenebedh an mengleudhyow yn Kembra North yn hy bewnans a-varr avel awtoures. Hi a dhalathas skrifa novelys ha drollow moya brysoniethel wosa hi dhe janjya chi dhe Dhinbych ha demedha. Yma nebes a dreylyansow hy gweythyow yn Sowsnek ha yethow erel, mes nyns eus treylyansow Kernowek dhe'n pols ma.
Rol a's lyvrow
[golegi | pennfenten]- O Gors y Bryniau (A Hal an Breow) - 1925. Drollow berr.
- Deian a Loli - 1927.
- Rhigolau Bywyd (Kleudhigow Bewnans) - 1929. Drollow berr.
- Laura Jones - 1930. Novel berr.
- Traed Mewn Cyffion (Treys yn Chaynys) - 1936. Novel.
- Ffair Gaeaf a storïau eraill (Fer Gwav ha drollow erel) - 1937. Drollow ber.
- Stryd y Glep (Stretyn an Klapp) - 1949. Novel ber.
- Y Byw sy'n Cysgu (An Re Vyw a Gosk) - 1956. Novel.
- Te yn y Grug (Te y'n Grug) - 1959. Drollow Berr.
- Y Lôn Wen (An Vownder Wynn) - 1960. Kovyow hy flogholeth.
- Tywyll Heno (Tewal Haneth) - 1962. Novel.
- Hyn o Fyd (An Bys Ma) - 1964. Drollow.
- Tegwch y Bore (Tekter an Myttin) - 1967.
- Prynu Dol (Prena doll) - 1969.
- Dau Lenor o Ochr Moeltryfan (Dew Dhen Liennek a Amal Mool Trevan) - Areth vledhynnyek Lyverva Penygroes 1970.
- Gobaith (Govenek) - 1972.
- Y Wylan Deg (An Woolan Deg) - 1976. Drollow Berr.
- Haul a Drycin (Howl ha Hager-Awel) - 1981.
Kevrennow
[golegi | pennfenten]Canolfan Drefdaeth Kate Roberts (yn Kembrek/Sowsnek)