Baner Peran

Dhyworth Wikipedya, an godhoniador rydh
Lamma dhe: kevrennow lewya, hwilas
Baner Peran
Baneryow en-mes a goffyjy
Den gen an baner e'n Menedhyow Carregek
Ow neyja an baner en Porth Logh

Baner Peran ew baner Kernow. Kensa descrifans godhvedhys an baner avel baner Kernow a veu scrifys en 1838.[1] Usyes ew gen Kernowyon avel arwodh a honenieth.[2]

An baner henwys rag Peran ew crows wydn war kilva dhu. Leverys ew dre wrug Piran dowis an dhew liwyow-ma woja gweles an sten tedh ow scollya mes a'n mun du en y tan. Hemm a wrug wharvos dres y dhiscudhyans a sten e'n 6ves cansvledhen, ow dos ha bos tassans stenyoryon.

Devedhyanjow[chanjya | chanjya an bennfenten]

Leverys ew dr'ujy an desin ow tos dhort kensa 1188 pan veu an baner usyes e'n Crowsgasow,[3] ha ma erthygel en Encyclopaedia Britannica ow leverel dre veu an baner degys gen an barth Gernowek orth Cas Agincourt (1415).[4] Bettegens, y hevel dr'ew an devyn res gen Encyclopaedia Britannica derayes gen onen a wra dos dhort bardhonek a 1590 henwys "Poly-Olbion" gen Michael Drayton. Ma'n bardhonek ow leverel dre wrug an baner degys gen an Gernowyon orth Agincourt disqwedhes dew omdowler a Gernow en colm.[5]

An dustuny godhvedhys an moyha a-varr a'n baner-ma a veu recordyes gen Davies Gilbert en y ober 1838 'The Parochial History of Cornwall', lebma ev ow leverel a-dro dhe

"grows wydn war kilva dhu a veu kens obma baner Peran ha baner Kernow; dres lycklod gen nebes campol dhe'n mun du ha'n alcan gwydn a sten".[1][2]

Onen a'n disqwedhyanjow an cottha a'n baner a ell bos gwelys en fenester gweder liw orth Westminster Abbey. Discudhys a veu en 1888 dhe gov an deviser hag ynjynnyor gerys da a Gernow Richard Trevithick. Ma'n fenester ow tisqwedhes Myhal orth an pedn ha naw sans a Gernow, Peran, Petrok, Pinnock,[1] Jermyn, Julyan, Cyriacus, Constentyn, Nonna and Gerens a-woles. Y hevel dr'ew Pedn Peran portrayans a Trevithick y honen, ha ma ev ow ton baner Kernow.[6]

Tybyanjow a-dro dh'y dhevedhyans[chanjya | chanjya an bennfenten]

Arvow Teyluyow a Frynk ha Breten Vian[chanjya | chanjya an bennfenten]

Devydnow[chanjya | chanjya an bennfenten]

  1. 1.0 1.1 'The Parochial History of Cornwall', gen Davies Gilbert. (1838) Vol III, p. 332
  2. 2.0 2.1 Phil Rendle, Cornwall - The Mysteries of St Piran, The Flag Institute
  3. Celtic League flags
  4. Cornish flag
  5. Poly-Olbion gen Michael Drayton
  6. Westminster Abbey
  7. Guide des drapeaux bretons et celtes gen Divi Kervella ha Mikael Bodlore-Penlaez, dyllys gen Yoran Embanner (en Frenkek), (2008) ISBN 978-2-916579-12-2
Flag of Cornwall.svg Porth Kernow – Tre rag folennow ha klassys Wikipedya a-dro dhe Gernow.