Therese Grünbaum

Therese Grünbaum
Genys	24 Est 1791  Wien
Mernans	30 Genver 1876  Berlin
Galwesigeth	kaner opera, gwarier gwariva, kaner, ilewydh
Sort a lev	soprano
Pries	Johann Christoph Grünbaum

Therese Grünbaum (24 mis Est 1791 – 30 mis Genver 1876) o soprano ostrian ha kanores a wariow kan.

Bewnans

Therese Grünbaum o genys yn Wien dhe hembrenkyas ha komposydh ostrian Wenzel Müller (1767–1835) hag y gynsa gwreg Magdalena Reinichsthal (1765–1794). Therese a studhyas ilow gans hy thas hag hi a dhallethas war wariva y'n rann a Lilli yn Das Donauweibchen gans Ferdinand Kauer ha hi o flogh hwath.

Yn 1807, Grünbaum a gemeras offis avel kanores yn an Wariva Praha, hag yn 1815 Carl Maria von Weber a gomposyas gwel hag aria arbennik rag hy gwrythyans a'n rann ditlys a Héléna gans Étienne Méhul. Yn 1816 hi a wayas tre dhe Wien, hag yn 1819 y'n Wariva Kärntnertor, hi a ganas Kärntnertor y'n kynsa gwrythyans yn Wien a Otello gans Gioachino Rossini. A-dhia 1818 dhe 1828, hi a ganas y'n Gwari Kan a'n Lys yn Wien. Yn 1823, hi a wrug an rann a Eglantine yn Euryanthe gans Weber. Ynwedh hi a ganas rannow ostyas yn Munich (1827) hag yn Berlin (1828–1830).

Wosa owth omdenna rag hy resegva geskan rag achesonys yeghes, Grünbaum a ygeris skol ilow yn Berlin. Hi a verwis yn Berlin.

Yn 1813, Grünbaum a dhemedhis tenor Johann Christoph Grünbaum (1785–1870) hag yth esa diw myrghes (Caroline Grünbaum, 1814–1868, hag Ottilia, 1816–1817) hag dew mebyon (Carl yn 1815 ha Joseph yn 1816), oll o kanoryon.