Syllan

Syllan (Isles of Scilly)
Baner ansoedhogel Syllan

Konteth solempnytel:	Kernow
Enep:	16 km²
Penncita:	Ennor
Poblans (2002) Doesedh	2 162 a drigoryon 132 / km²
Rannvro:	Rannvro Soth-West
Esel an Senedh	Andrew George

Syllan (Sowsnek: Isles of Scilly) yw awtorita unnik y’n gonteth solempnytel a Gernow. Pymp enys y’n Keynvor Atlantek (ha nebes 140 ynys vyghan heb boblans), a wra an enesow. An pymp enys yw:

Ennor (St Mary's)
Ynys Skaw (Tresco)
Brechiek (St Martin's)
Aganas (St Agnes)
Bryher
Keow (Gugh)
Gwithial (Gweal)
Ynys Samson
Annet
Ynys Elidius (St Helen's)
Teän
Guen Hily (Great Ganilly)
Men an Eskob (Bishop Rock)
An Creeban (Crim Rocks)
"English Island"
"Rosevear"
"Round Island"
"Zantman's Rock"

Yma an enysow ow kul niver meur a vleujow rag esperthyans dhe Enys Vreten Veur (an lili Korawys yn arbennik). Awelyow gwyls a’n Atlantek a skwaty an enysow nepprys.

Tornyaseth ha pyskessa yw diwysyanow poesek an enysow. Y hyllir mires orth lies edhen anusadow, yn mis Hedra yn arbennik. Tro-eskelli ha trethyow a hedh an enysow a Bennsans, hag yma jynn-ebrenn ow tremena ynter ayrborth Ennor hag ayrborthow trevow erell y’n Rywvaneth Unys.

Dugeth Kernow a biw an enysow. Yth esa tus Syllan ow kewsel an Kernowek bys an 17ves kansblydhen martesen.