Skantlyn:Erthygel disqwedhes/5
iPad yw jynn amontya legh a veu desinyes, displegyes ha marhasys gans Apple Inc. avel toul rag gweles media clowwelyek, ow comprehendya levrow, jornalys, fylmow, ilow, gwariow, ha dalhen an gwias. An iPad a wra usya an keth system oberyans avel an iPod Touch ha'n iPhone - hag ev a ell lonchya y dowlednow y honen keffrys ha towlednow iPhone. Heb bos chanjyes, ny wra an iPad saw lonchya towlednow comendys gans Apple ha gorrys en-mes der App Store Apple (marnas towlednow a ell obery a-ji dhe beurel wias iPad).
Pecar ha'n iPhone ha'n iPod Touch, rowlys yw an iPad dre dhispleytans liestoch - dyffrans dhyworth an brassa radn a jynnow amontya legh kens, a wra usya stylus sordyes dre boos - keffres ha besowek warscrin furvwir en le besowek corforek. An iPad a wra usya junyans Wi-Fi rag hedhes LAN po an kesrosweyth. An kensa iPad a veu dyllys en mis Ebrel 2010, ha 3 milvil a'n devisow a veu gwerthys en 80 dedh.