Skantlyn:Erthygel disqwedhes/2

Dhyworth Wikipedya, an godhoniador rydh
Jump to navigation Jump to search
Nolwenn Leroy

Nolwenn Leroy yw canores ha scrifores a Vreten Vian, neb a veu discudhys der an dowlen pellwolok Frenkek Star Academy. Geryes da yw hi rag hy dew gan niver-onen "Casse!" ha "Nolwenn Owho!"

Woja gweles kensa dyllans Star Academy en 2001, Leroy a veu kemeres yn fras gans onen a varnoryon an gwary, Armande Altaï, hag a erviras dhe studhya en class cana Altaï. En 2002, woja ombrofya ha bos dowisyes rag nessa seson an gwary, an bobel a wrug vota ragdhy dhe waynya an kesstrif en le gorfednor aral, Houcine.

Kensa cuntel Leroy, Nolwenn, a veu dyllys en mis Meurth 2003 hag y feu moy es 400,000 copy gwerthys warbydn mis Du a'n vledhen-na. Dhia nena, yma dyllys gensy tri huntellow moy - Histoires Naturelles en 2005, Le Cheshire Cat & Moi en 2009, ha Bretonne en 2010. Yth esa an cuntel-ma ow comprehendya versyons cudha a ganow hengovek Keltek, pecar ha "Tri Martolod", "Bro Gozh va Zadoù" ha "Mná na h-Éireann". Brassa radn an hensow a veu kevrednys dhe enysva an ganores, Breten Vian. An cuntel eth dhe bedn chartys cuntellow Frynk pemp seythen woja y dhyllans.

Redya moy a-dro dhe Nolwenn Leroy