Rachel Reeves
| Rachel Reeves | |
|---|---|
_(cropped).jpg) | |
| Genys |
13 Hwevrer 1979  Lewisham |
| Trigva |
Lewisham |
| Kenedhlogeth |
Ruvaneth Unys |
| Galwesigeth |
erbysydh, politeger |
| Arvether |
|
| Pries |
Nicholas Joicey |
| Gwiasva |
https://www.rachelreevesmp.co.uk/ |
Rachel Jane Reeves (genys 13 mis Hwevrer 1979) yw politegores pretennek neb re servyas avel Chansler an Statarghow a-dhia mis Gortheren 2024. Esel Parti Lavur, hi re beu esel Senedh rag Leeds West ha Pudsey, kyns Leeds West, a-dhia 2010.
Resegva politek
[golegi | pennfenten]Reeves o ombrofyores Lavur yn etholans ollgemmyn 2005 rag Bromley ha Chislehurst, esedh saw Gwithadorek. Reeves a wrug dos yn nessa le, ow gwaynya 22% a votys, wosa Eric Forth, an ombrofyer Gwithadorek.[1] Y'n isetholans 2006 y'n bastel vro keth, Reeves a wrug dos yn peswora le gans 1,925 votys, wosa Bob Neill (an ombrofyer Gwithadorek a waynyas), an ombrofyer Livrel Werinel, ha Nigel Farage (an ombrofyer UKIP).[2]
Rag an etholans ollgemmyn 2010, Reeves a veu henwys avel an ombrofyores Lavur rag Leeds West. Hi a veu etholys gans 42% a'n vota.[3] Yn Senedh, Reeves o etholys dhe'n kessedhek arbennik Asran rag Negys, Nowedhyans ha Sleynethow.[4] Yn mis Hedra 2010, Reeves o henwys Menystres Skeus rag Pensyons gans Ed Miliband.[5] Yn mis Hedra 2011, hi o henwys Skrifenyades Chif Skeus dhe'n Dresorva.[6] A-dhia 2013 bys 2015, Reeves o an Skrifenyades a Stat Skeus rag Ober ha Pensyons.[7][8] Nyns o Reeves y'n kabinet skeus gans Jeremy Corbyn.[8]
Gans etholans Keir Starmer avel ledyer Lavur yn 2020, Reeves a wrug dehweles dhe'n kabinet skeus y'n rann Chansler an Duketh Lancaster.[9] Hi a veu avonsys dhe Jansler Skeus an Statarghow yn mis Me 2021.[9] Wosa an etholans ollgemmyn 2024, Reeves a dheuth ha bos Chansler an Statarghow, an kynsa benyn y'n rann.[10]
Devynnow
[golegi | pennfenten]- ↑ Election 2005 Result: Bromley & Chislehurst, BBC News (yn Sowsnek), 6 mis Me 2005, kyrghys 16 mis Gortheren 2025
- ↑ Labour and Tories suffer at polls, BBC News (yn Sowsnek), 30 mis Metheven 2006, kyrghys 16 mis Gortheren 2025
- ↑ Election 2010: Leeds West, BBC News (yn Sowsnek), kyrghys 17 mis Gortheren 2025
- ↑ New MPs elected to select committees, ePolitix.com (yn Sowsnek), 24 mis Metheven 2010, kovskrifys a'n derowel war 28 mis Metheven 2010, kyrghys 17 mis Gortheren 2025
- ↑ Thomas Selby (14 mis Hedra 2010), Rachel Reeves takes Shadow pensions role, Money Marketing (yn Sowsnek), kyrghys 7 mis Est 2025
- ↑ Heather Stewart (23 mis Hedra 2011), Rachel Reeves deployed by Labour to outsmart coalition, The Guardian (yn Sowsnek), kovskrifys a'n derowel war 16 mis Ebrel 2025, kyrghys 17 mis Gortheren 2025
- ↑ Labour reshuffle: Rachel Reeves promoted to shadow work and pensions secretary, BBC News (yn Sowsnek), 7 mis Hedra 2013, kyrghys 7 mis Est 2025
- 1 2 Patrick Wintour ha Nicholas Watt (12 mis Gwynngala 2015), Labour frontbenchers rule out serving in Corbyn's shadow cabinet, The Guardian (yn Sowsnek), kovskrifys a'n derowel war 10 mis Hwevrer 2025, kyrghys 7 mis Est 2025
- 1 2 Caitlin Doherty (9 mis Me 2021), Reeves rises while Dodds drops in Labour reshuffle, The Evening Standard (yn Sowsnek), kovskrifys a'n derowel war 1 mis Me 2025, kyrghys 7 mis Est 2025
- ↑ First female chancellor hailed a 'game-changer', BBC News (yn Sowsnek), 8 mis Gortheren 2024, kyrghys 7 mis Est 2025