Pynngo

Dhyworth Wikipedya, an godhoniador rydh
Jump to navigation Jump to search
Pynngos ryb Tuktoyaktuk, Tiredhow an Gledh-West, Kanada
Pynngo ow teudhi ha re liestuek ryb Tuktoyaktuk, Tiredhow an Gledh-West, Kanada

Krug a rew gorherys gans gweres yw pynngo (pingo yn Sowsnek hag yn Kembrek) a gevys yn ranndirow Arktek, isarktek hag Antarktek. Y hyllons bos mar veur avel 2 km a-dreus gans ughelder a 70m. Styr an hanow yw bre isel y'n yeth Inuit. Tirfurv perirewlyvek yw pynngo.

Unn a'n ranndirow gans an moyha niver a bynngos y'n Norvys yw Tuktoyaktuk yn Delta Mackenzie, Tiredhow an Gledh-West, Kanada. Yma a-dro dhe 1,300 anedha ena. Yma lower yn Alaska, Greunland, hag Enys Spitsbergen yn Norwy ynwedh. Yma remenans pynngos koth y'n Iseldiryow, ryb Zwaagwesteinde yn ranndir Fryslân, hag yn ranndirow Drenthe ha Groningen.

Dew bynngo
Dew bynngo ryb Talgarreg, Kembra West

Yma ensamplow y'n Ruvanieth Unys ynwedh, yn arbennek yn Norfolk ha Kembra West.

Furvyes pynngos pan wrello dowr y'n gweres rewi. Y trehav an gweres dhe wul bre gans kolon a rew. Pan deudho an rew, gesys yw pans yn y le.