Pol Hodge
| Pol Hodge | |
|---|---|
| Genys |
29 Kevardhu 1965  Resrudh |
| Kenedhlogeth |
Kernow |
| Soodh |
Bardh Meur, Kannas Bardh Meur |
| Eseleth |
Gorsedh Kernow |
Pol Hodge (g. 29ves Kevardhu 1965) o ugensves bardh meur Gorsedh Kernow, 2021-2024. Mab Stenak Veur yw y hanow bardhek.
Genys veu Pol Hodge yn Resrudh, ha megys veu yn Trewoon, Kammbronn. Ev a studhyas Ynjynorieth Kymyk yn Skol Lieskreft Glan Soth ha PGCE Godhonieth orth Pennskol Kervadhin. Re beu ev dyskader godhonieth yn Logh, oberer yonkers yn Pow Pri, gwereser-dyski yn Skol Penrice, oberer an artys yn Truru, teknegydh arbrovji yn Sen Ostel, Sodhek Adhyski rag Sodhva an Yeth Kernewek a Gonsel Kernow ha Sodhek Kernewek rag Golden Tree yn Resrudh.
Hodge a oberi a-barth Kowethas an Yeth Kernewek ha Kesva an Taves Kernewek moy es 30 bledhen, hag a-barth an Gonis-Treylya ha panellow Arwodhow, Termonieth a Akademi Kernewek, keffrys ha'y gesva. Ev a dhyskas Kernewek dhe dus yn Kammbronn, Sen Ostel, Sen Kolom Veur, Lannwedhenek ha Truru 35 bledhen.
Prydydh-performya yw ev yn Kernewek ha Sowsnek, y honan hag avel hanter Dew Vardh gans Bert Biscoe. Ev a berformyas moy es 500 tro yn Kernow ha tramor. Ev a representyas Sen Peran yn keskerdh dhe Oratori Peran lies bledhen. Ynwedh, ev a warias Thomas Flamank yn Gwari Bosvena, Kap'n Pol orth Pennsans ha Tebel Santa orth Lyskerrys.
Berdhys veu Hodge yn Tregarrek yn 1991 drefen sleyneth y'n yeth. Ev a servyas moy es ugens bledhen avel Kledhevor; servya a wrug ev avel breusyas panel Kesstrifow ynwedh. Etholys veu ev dhe'n konsel yn 2018, avel Kanans an Bardh Meur 2018-2021 hag avel Bardh Meur 2021-2024.
Trigys yw ev yn Lambriggan gans y wreg Jane Ninnis.
| Bleynyes gans: Melennek |
Bardh Meur 2021—2024 |
Holyes gans: Gwythvosen |
Yma'n erthygel ma owth usya an Furv Skrifys Savonek a-barth Kernowek kres.
 |
Porth Kernow – Tre rag folennow ha klassys Wikipedya a-dro dhe Gernow. |