Nina Simone
| Nina Simone | |
|---|---|
 | |
| Leshanow |
Nina Simone, The Songstress  |
| Genys |
Eunice Kathleen Waymon 21 Hwevrer 1933 Tryon |
| Mernans |
21 Ebrel 2003 Carry-le-Rouet |
| Alma mater |
|
| Gis |
Jazz, ilow klassek a'n West, bossa nova |
| Pries |
Andy Stroud |
| Pewasow |
Rock and Roll Hall of Fame |
| Gwiasva |
http://www.ninasimone.com |
| Sinans | |
Eunice Kathleen Waymon (21a Hwevrer, 1933 – 21a Ebrel, 2003), aswonnys yn-dann hy hanow galwesik Nina Simone, o ilewydh, kaner, kanskrifer ha gweythresor gwiryow kemmyn. Amerikan o hi. Hy ilow o yn efander ledan a eghennow, y'ga mysk klassek, jazz, blous, gwerin, R&B, aweyl ha popp. Hi o henwys yn fenowgh "The High Priestess of Soul" (kw: An Arghoferyades a Enev). Genys veu hi yn Tryon, Karolina Gledh yn 1933, onan a eth flogh yn teylu boghosek. Hy mamm o menyster Methodek. Hy thas o krefter ha barbour.
Hi a dhallathas seni piano pan o hy thri bloodh. Hy hynsa keskan o daskan piano klassek pan o hi 12. Hi herens o esedhys y'n kynsa rew dh'y gweles, mes movys ens war-dhelergh y'n hel rag ri an esedhow dhe dus wynn. Simone a leveris na wrussa hi seni kyns hy herens dhe vos movys dhe'n kynsa rew arta. Pan o hi 17, Simone a movyas chi dhe Philadelphia, Pennsylvani. Hi a erviras ombrofya rag skolorieth orth kolji leel. Hi a wrug seweni y'n apposyans, mes ny wrussons ri an skolorieth dhedhi awos hy hil.
Y'n bledhynnyow 1960, Simone o diagnosys gans disordyr bipolar. Yn 1964, Simone a dhallathas oberi gans kompani sonskrifa Philips. Hi a dhallathas sonskrifa kanow a-dro dhe'y gwreydh Afrika-Amerika ha dibarder aghel. Hi a wre performya ha kewsel orth lies kuntelles gwiryow kemmyn.
Kanow meurgerys a'y huntilow yw "My Baby Just Cares for Me", "Don't Let Me Be Misunderstood", "I Put a Spell on You", "Feeling Good", "Sinnerman" ha "Mississippi Goddam". Hi a dhewisis hy hanow galwesik yndelma: "Nina" a-dhyworth leshanow res dhedhi gans karer ha "Simone" a warier frynkek Simone Signoret.
Simone a verwis ow koska yn hy thre yn Carry-le-Rouet, Pow Frynk, wosa bos klav gans kanker an vronn.
Yma'n erthygel ma owth usya an Furv Skrifys Savonek a-barth Kernowek kres.