Mick Paynter
| Mick Paynter | |
|---|---|
 | |
| Genys |
8 Kevardhu 1948  Resrudh |
| Kenedhlogeth |
Kernow |
| Galwesigeth |
skrifer, prydydh |
| Soodh |
Bardh Meur |
| Eseleth |
Gorsedh Kernow |
Mick Paynter (8 Kevardhu 1948 – 26 Gwynngala 2024) o hwetegves Bardh Meur Gorsedh Kernow a 2009 bys yn 2012. Skogynn Pryv yw y hanow bardhek.
Genys avel Michael Kenneth Paynter dhe'n 8ves a vis Kevardhu 1948 yn Kernow, gwas civil, gweythresydh kesunyans lavur, prydydh ha bardh o ev. Lewydh a Gowethas Kernow Goth Porthia o ev (2014- 2017).
Ev eth dhe Skol Ramasek Humphry Davey yn Pennsans. Ev a studhyas yn Pennskol Kastel Nowydh war Tyne ha triga termyn berr yn Loundres ha Karesk. A-der henna, trigys o ev prest yn Porthia. Ev a oberi yn gwithva John Heathcoat yn Poll.
Rag an nessa 30 bledhen, ev a oberi avel sodhek tollow a-barth an Inland Revenue, yn kynsa yn Resrudh, ha diwettha yn Pennsans, le mayth o ev omvyskys avel Kannas Kesunyans Lavur.
Ev a dhallathas dyski Kernewek yn 1999. Berdhys veu ev yn 2003 yn Lannstefan gans an hanow Skogynn Pryv. Hwedhel an hanow yw bos hemma leshanow gwereser gwikoryon frank re dollas den toll. Ev a veu etholys avel Kannas an Bardh Meur yn 2006 ha Bardh Meur yn 2009 bys yn 2012.
Esel o ev a Gesva an Taves Kernewek a 2006 bys yn 2015, Kaderyer a Vewnans Kernow a 2009 bys yn 2012 ha'y Alhwedher alena bys yn 2016. Gwaynyer o ev yn 2003 a gesstrif bardhonieth a'n lyver-termyn Poetry Cornwall/Bardhonyeth Kernow. Wosa henna, gelwys veu ev dhe wolegi kevrohow Kernewek. Kevri a wrug ev yn fenowgh orth an lyver-termyn na hag ynwedh Scryfa.
Ev a skrifas tri huntel a vardhonieth yn Kernewek gans treylyansow Sowsnek; y guntel A Worm's Folly a veu henwys yn rol verr pewasow liennek Holyer An Gof 2012.
Dyllansow
[golegi | pennfenten]- 2001: Routh a Vaneryow/A Crowd of Banners. Porthia: Pendrivel
- 2001: Michel Corolleur 1895–1942. Porthia: Pendrivel
- 2002: Yn ow Hilyarth Nebjydh/In my Backyard Someday. Porthia: Pendrivel
- 2003: Bardhonyeth Kernow / Poetry Cornwall. 2003–2014
- 2003: Scryfa; vol. 2. Kelliwik (bardhonek yn kuntellyver)
- 2004: And all the World Our Patch: Cornish language poems and others . Resrudh: Palores Publications ISBN
- 2006: 101 Poets for a Cornish Assembly. Portishead: Boho Press (poems in anthology edited by Les Merton)
- 2006: Nothing Broken: recent poetry in Cornish. Loundres: Francis Boutle (bardhonogow yn kuntellyver golegys gans Tim Saunders)
- 2007: Scryfa; vol. 7. Kelliwik (bardhonek yn kuntellyver)
- 2007: Kernow Bys Vykken (Cornwall Forever) (kuntel gans ilow)
- 2009: Time for Song/Termyn rag Kan. Loundres (treylyans a vardhonek yn kuntellyver)
- 2010: Scryfa; vol. 12. Kelliwik (bardhonogow yn kuntellyver)
- 2010: Gwydh Meur a Gernow / Great Trees of Cornwall. Resrudh: Palores (keswolegydh gans Les Merton)
- 2011: A Worm's Folly. Loundres: Francis Boutle
- 2013: My Yw Genys Yn Kres An Mor. Fylm a vardhonek gans Yann Ber Kalloc'h a Vretonek
- 2014 Wave Hub, New Poetry from Cornwall. Loundres: Francis Boutle. Bardhonogow yn kuntellyver golegys gans Alan Kent
| Bleynyes gans: Gwenenen |
Bardh Meur 2009—2012 |
Holyes gans: Steren Mor |
Yma'n erthygel ma owth usya an Furv Skrifys Savonek a-barth Kernowek kres.
 |
Porth Kernow – Tre rag folennow ha klassys Wikipedya a-dro dhe Gernow. |