Merv Davey

Merv Davey
Genys	21 Meurth 1951
Kenedhlogeth	Kernow
Soodh	Bardh Meur, Kannas Bardh Meur
Eseleth	Gorsedh Kernow

Merv Davey (g. 21 Meurth 1951) o etegves Bardh Meur Gorsedh Kernow a 2015 bys yn 2018. Telynyor an Weryn yw y hanow bardhek.

Megys veu Merv Davey yn Tewynblustri yn teylu gans junyans hir orth hengov an werin hag ilow kernewek. Yth esa meur a vern ynna a honanieth dhiblans Kernow hag i a hwithras rannyeth ha henwyn tyller a Gernow. Kepar ha meur a dus, Davey a veu ynniys dhe asa Kernow rag kolji hag ober. Hag ev trigys yn Loundres, y feu dastallethys y vern yn Kernow ha'n bys keltek, ytho ev eth dhe glassow Kernewek. Ev a dhehwelas dhe Gernow yn 1975, owth oberi yn gwith socyal yn sodhow kepar hag oberer socyal yeghes brysel ha dyghtya Para Sensel Konsel Kernow.

Tas yw ev a Jowdy Davey, ledyer Sodhva an Yeth Kernewek a-barth Konsel Kernow.

Warbarth ha'y vreder, Andy, Kit ha Neil, ev a fondyas bagas ilow Bucca yn 1977. Dyllys veu songist Ertach yn 1978, ha plasen An Tol yn Pen an Telynyor yn 1982. Ev o esel a'n bagas ilow Kemysk a ganas an gan An Mystry, kan gomposys gans Richard Gendall, warbarth ha'n gan hengovek Delyow Sevi, yn kesstrifow an Gool Pan-Geltek yn 1978 yn Cill Airne. Ev eth yn rag dhe dhyllo niver a lyvrow ow tochya ilow Kernewek, kepar ha Hengan yn 1983.

Berdhys veu yn 1978 orth Dons Meyn Rosmodres, Eglosveryan. Yn 1983 gelwys veu dhe vos piber der enor a Orsedh Kernow, bys pan dheuth ha bos ev Bardh Meur. Warbarth gans y wreg Alison, berdh ynwedh, omvyskys o yn dalleth gool Lowender yn 1978 dhe solempnya pub eghen a wonisogeth a Gernow. Hwath yw yw ev y gevarwodher.

Yn 2005, Davey a wrug hwithrans wosa gradhek yn ilow ha dons hengovek a Gernow y'n Fondyans Studhyansow Kernewek ha dos ha bos doktour. Hwath yth yw ev omvyskys yn efander a aktivita ilow ha dons kernewek, a son kresosel Pyba dhe vagas dons arnowydh rag yonkers Tan ha Dowr, keffrys ha seni yn fenowgh gans Band Ceilidh Kernow North. Keswolegydh a Govskrif Kenedhlek Ilow Kernow yw ev.

Kannas a Bardh Meur o ev 2012-2015 ha Bardh Meur 2015-2018.

Bleynyes gans: Steren Mor

Bardh Meur 2015—2018

Holyes gans: Melennek

Yma'n erthygel ma owth usya an Furv Skrifys Savonek a-barth Kernowek kres.

Porth Kernow – Tre rag folennow ha klassys Wikipedya a-dro dhe Gernow.