Maureen Fuller
| Maureen Fuller | |
|---|---|
| Genys |
20 Me 1948  Essa |
| Kenedhlogeth |
Kernow |
| Galwesigeth |
dyskador |
| Soodh |
Bardh Meur, Kannas Bardh Meur |
| Eseleth |
Gorsedh Kernow |
Maureen Fuller (g. Essa, 20 Me 1948) o seythegves Bardh Meur Gorsedh Kernow a 2012 bys yn 2015. Dyskader o hi. Steren Mor yw hy hanow bardhek.
Genvys veu hi avel Maureen Pound yn Klavji Sen Barnabas Hospital yn Essa dhe'n 20ves a vis Me, 1948. Megys veu hi yn chi gans gwel Dowr Tamar. Hi a veu adhyskys yn Skol Fleghigyow Longstone, Skol Gynradh Essa ha Skol Ramasek Essa. Ha hi 18, hi eth dhe Kolji Rolle yn Exmouth, le may trenyas hi avel dyskader ha ledyer yonkers. Wosa henna, hi a dhehwelas dhe Essa drefen yeghes drog hy mamm ha kavos soodh yn hy skol gyns, Skol Gynradh Essa. Hi a oberas ena 39 bledhen.
Hi a wrug keswelyow gans hy theylu yn kever istori an teylu ha hi 10 bloodh. Teylu hy mamm a dheuth a Borthkovrek, y'n Lysardh, ha Lannvowsedh. An teylu eth dhe Aberfala, unn tas kuv o Mester an Porth ena hag onan aral a wrug lewya Cutty Sark y'n porth. Hy mamm guv o kog rag Arlodh Falmouth yn Tregothnan. Teylu hy thas o pyskadoryon Kastelboterel.
Ha hy 13 bloodh, hi a welas towlen yn Spotlight le may feu Ann ha Richard Jenkin fylmys y'ga lowarth ow kavos te ha kewsel Kernewek. Alena rag, yth esa bern dhedhi y'n yeth ha hi a erviras dyski pan drovyas hi dyskader. Yn 1973, hi a dhehwelas dhe Essa ha junya klass Kernewek Wella Brown.
Fuller a dheuth ha bos berdh dre sleyneth y'n taves yn 1977 yn Sen Kolomm Veur. Yn 1981, hi a junyas Kesva an Taves Kernewek ha bos skrifenyas an apposyansow 29 bledhen. Yn 1991, hi a veu gelwys dhe vos Chif Styward y'n Orsedh, yn 1994 Is-Marshall hag yn 1997 Marshall an Orsedh, ow restra pub solempnyans.
Yn 2009, hi a dheuth ha bos Kannas an Bardh Meur yn Essa, yn Park Longstone, le may wari hi avel flogh. Yn 2012 hi a dheuth ha bos Bardh Meur, bys yn 2015.
| Bleynyes gans: Skogynn Pryv |
Bardh Meur 2012—2015 |
Holyes gans: Telynyor an Weryn |
Yma'n erthygel ma owth usya an Furv Skrifys Savonek a-barth Kernowek kres.
 |
Porth Kernow – Tre rag folennow ha klassys Wikipedya a-dro dhe Gernow. |