Mai al-Kaila

Dhyworth Wikipedya, an godhoniador rydh
Jump to navigation Jump to search
Mai al-Kaila
مي الكيلة.jpg
Genys مي سالم حنا الكيلة Edit this on Wikidata
8 Ebrel 1955 Edit this on Wikidata
Jerusalem Edit this on Wikidata
Trigva Birzeit Edit this on Wikidata
Kenedhlogeth Flag of Palestine.svg Palestin
Alma mater
  • Pennskol Granada
  • Pennskol Kaliforni, San Francisco
  • Pennskol Chile Edit this on Wikidata
Galwesigeth bengorfydh, klavjier, politeger, lyskannas, dyskador pennskol Edit this on Wikidata
Soodh menyster yeghes, lyskannas Palestayn dhe Itali, lyskannas Palestayn dhe Jile Edit this on Wikidata

Mai Al-Kaila (Arabek: مي الكيلة‎; genys 8 Ebrel 1955) yw medhek, lyskannas ha politeger palestinek ha'n kynsa benyn dhe synsi an soodh a Venyster Yeghes a Balestin. Yma dhedhi doktourieth yn Yeghes Poblek ha Menystrans Yeghes. Hi o kaderyer Konsel Medhegel a Balestin avel Menyster Yeghes.

Kilva[golegi | pennfenten]

Mai Salem Hanna al-Kaila a veu genys yn Jerusalem an 8ves a vis Ebrel 1955. Hy adhyskans selvennek o y'n skolyow Birzeit ha hy adhyskans nessa y'n Kolji Privedh yn Ramallah. Hi a studhyas bos klavjier yn Klavji Augusta Victoria yn Jerusalem. Hi a studhyas medhegneth yn Pennskol Granada yn Spayn ha kavos hy bachelorieth anedhi. Ena, hi a arbennikhas yn medhegneth golovas ha bengorfonieth yn Pennskol Kaliforni, San Francisco ha kavos hy mestronieth. Hi a gavas hy doktourieth yn Yeghes Poblek ha epidemegieth a Bennskol Chile.

Resegva[golegi | pennfenten]

Al-Kailah a oberas avel medhek annedhys yn Klavji Palestine Red Crescent yn Jerusalem yn kors Medhegneth Golovas ha Bengorfonieth. Mai Al-Kailah a oberas avel arether yn Pennskol Al-Quds yn Asrann Yeghes Poblek hag yn UNRWA avel penn an kors Mamoleth ha Flogholeth.

Yn 1994, Mai Al-Kailah a veu ordenys dhe'n kanasedh palestinek rag kemeres rann y'n Keskussulyans an Bys a-dro dhe Venenes yn 1995 yn Beijing, China.

Alkaila a veu ordenys avel Kannas Stat Palestin dhe Jile an 31a mis Du 2005. Hi a besyas y'n rol na bys yn hy ordenans avel Kannas Stat Palestin dhe Itali an 1a mis Du 2013. An 4a mis Kevardhu 2016, hi a waynyas an etholansow Konsel Domhwelus Palestin synsys dres an seythves konsel a Fatah, parti politek sosyel-gwerinel ha kenedlegiethek a Balestin, ha dos ha bos esel ynno.

An 13ves mis Ebrel 2019, al-Kaila a dos a-rag Lewydh Palestin Mahmoud Abbas avel Menyster Yeghes yn governans Mohammad Shtayyeh.

Enorys[golegi | pennfenten]

  • Yn 2017, Mai al-Keila a veu res medalen owr gans Akademi Norman ha'n lu ayr Itali awos hy gwriansow avel gweythresor ha'y defens a wiryow den yn Palestayn.

Yma'n erthygel ma owth usya an Furv Skrifys Savonek a-barth Kernowek kres.