Karrek wodhasek

Ensampel a	rock type
Klass	karrek, stoffow godhosek
	Restrennow kelmys war Gemmyn Wikimedia

Karrek wodhasek ew karrek gwres dhort godhas, hebm ew tebmigow karrek movys gen an gwens, dowr po rewlivow ha gerys dhe godha. Droppys ew an godhas avel gweli, dell ew usys en dowr war woles ryver po’n mor. Pan vo moy a wodhas bernys war bedn, an gweliow isella ew gwaskys war-barth rag gul karrek.

Klassa karrygi godhasek

Possybyl ew dhe glassa karrygi godhasek po herwydh an processys ew omgemeryansek rag aga furvyans, po aga homposyans (monydhieth).

Klassans thew selys war brocessys

Ema peder ehen a garrygi godhasek herwydh an klassans ma.

Karrygi klastek ew furvyes gen tebmigow a garrygi erel cymentys war-barth. Isglassys ew karrygi klastek herwydh myns an klastow: kevili ha brecchia ew furvyes gen tebmigow meur, myns grow po moy, kragen ew furvyes gen tebmigow tewes, ha leysven po margvengen an tebmigow moyha munys.
Karrygi bewgemegel ew furvyes pan wrelho organedhow usya stoffow teudhys en dowr rag derevel aga horfow. Ensamplow a gomprehend kalgh (krib gwylar), glow ha chert.
Karrygi kemegel ew furvyes po pan wrelho stoffow teudhys en dowr kodha po pan wrelho ethedna an dowr ha gara an stoff.
Karrygi godhasek erel a gomprehend tuffow volkanek tardhys gen menedhyow tan po brecchia strokas kawsys gen tirans asteroyd war an Nor.

Klassans ew selys war gomposyans

Karrygi komposys a glastow gwres a vonyow silikon (Kevili, brecchia, kragen ha leysven)
Karrygi komposys a vonyow karbonat (Kalgh ha dolomit)
Karrygi komposys a vonyow furvyes dhort ethednans dowr (halit, jypsum hag anhidrit)
Karrygi komposys a vynsow meur a stoffow organek (Glow ha kyllasen oyl)
Karrygi rych en horn (Furvyansow horn bondys)
Karrygi rych en monyow fosfat