Jori Ansell

Jori Ansell
Soodh	Bardh Meur, Kannas Bardh Meur
Eseleth	Gorsedh Kernow, Kowethas an Yeth Kernewek

Jori Ansell, (g. 10ves Meurth 1941) genys avel George Philip Stanley Ansell, o degves bardh meur Gorsedh Kernow, 1991-1994. Caradok yw y hanow bardhek.

Ansell a veu genys yn Kimbolton, Huntingdonshire, le may hwrug y das dyski Latin hag Almaynek yn skol ramasek. Wosa seni gans Band Arghans Kothmans Kimbolton a-ban veu 16, ev a asas skol ha junya Band an 9ves Queen’s Royal Lancers, ena selys yn Almayn. Wosa gasa an lu yn 1965, ev a vetyas gans koeth an lu yn Hel Albert. Y goweth a restras Ansell dhe dhos dhe Gernow le mayth esa gwagla yn Band Tre Kammbronn rag ilewydh an faborden. Ev a oberi yn ammeth. Demmedhi a wrug ev y'n oos na gans Beth Thomas.

Yn y gynsa seythennyow yn Kernow, y teu dhodho warneth a Gernewek yn henwyn tyller. Ev a dheuth dhe Richard Gendall neb a dhiskwedhas an yeth ha'y hemeneth dhodho. Gans skoodhyans ev, Len Truran, ha Len Orme—neb a dhyskas Kernewek dhodho yn klassow Kolji Kernow— ev a sewenas yn apposyans avonsys Kesva an Taves Kernewek. Berdhys veu ev yn 1978 orth Dons Meyn Rosmodres, Eglosveryan drefen sleyneth yn Kernewek.

Y'n 1980ow ev ha Rod Lyon a dhyskas Kernewek warbarth yn Kresen Gemeneth Kammbronn. Wosa henna, ev a dhallathas dyski an klassow yn Kolji Kernow may hwrug ev y honan studhya an yeth. Ena, ev a wrug kors yn Frynkek orth an kolji ha, wosa henna, gul kwalifians avel treylyer gans an Fondyans Yethonieth, ow keworra Almaynek diwettha. Hemma a ledyas dh'y soodh avel treylyer omarvethys teknegel.

Kaderyer Isvagas Kernewek a'n Sodhva Europek a Yethow Lyha Usys (EBLUL) o ev a-dhia hy dalleth yn 1996 bys y hy diwedh yn 2010. Ev o esel konsel Kowethas an Yeth Kernewek, ow servya avel y Sodhek Dyllansow lies bledhen. Ynwedh, Sodhek Dyllansow, ha diwettha Kaderyer, o ev a Gesva an Taves Kernewek. Rann bosek a veu ev yn Strateji an Yeth Konsel Kernow rag 2015-2025.

Ev a servyas war konsel Gorsedh Kernow a-dhia 1985; kaderyer yw ev a isvagas korf lagha an Orsedh. Henwys veu ev avel Kannas an bardh Meur yn 1988 ha Bardh Meur yn 1991 bys yn 1994. Ev a holyas polici a dhalghuster rag tus a bub furv a Gernewek avel berdh.

Yn 2019 orth an Orsedh yn Lannust, ev a waynyas an kynsa Pewas Mab Hirnans (Stephen Gainey Award) rag "kevro meur y vri orth Kernewek".

Trigys yw Ansell yn Gwynnyer. Re beu ev esel a Gowethas Kernow Goth Heyl a-dhia 1988.

Bleynyes gans: Gwas Costentyn

Bardh Meur 1991—1994

Holyes gans: Cummow

Yma'n erthygel ma owth usya an Furv Skrifys Savonek a-barth Kernowek kres.

Porth Kernow – Tre rag folennow ha klassys Wikipedya a-dro dhe Gernow.