Jump to content

Jean Paton

Dhyworth Wikipedya, an godhoniador rydh

Jean Annette Paton (nee Comins[1] po Comyn;[2] genys 4 mis Genver 1929) yw losonydh, bryologydh ha lymnores losoniethek a Vreten. Hi re skrifas lies lyver a-dro an bryologieth [en] a'n Ruwvaneth Unys ha'n flora a Gernow, ha deskrifas meur a eghennow nowydh. Hi o lewydh an Kowethas Bryologiethek a Vreten yn 1976 ha 1977.[3]

Bewnans a-varr

[golegi | pennfenten]

Paton a veu genys war 4 mis Genver 1929.[4] Hi yw dysleksek [en] ha ny allas redya kyns hi dhe vos naw.[4] Paton a wra omdhyksi fatel dhelinya ha lymna bleujennow, may wrug hy gweres dhe dyski aga henwyn.[5]

Hi a studhyas yn Kolji Bedford yn Loundres a-dhia 1947, ha diwettha hi a veu grontys mestronieth, ow skrifa hy assay mestronieth a-dro an bryofytys a'n kragennow yn Kint ha Sussex.[4]

Resegva

[golegi | pennfenten]

Paton a dhallathas dhe oberi y'n Asran Losonieth a Bennskol Southampton yn 1952 avel darbarer hwithrans ha losowva [en]. Wosa henna, hi o arethores ena. Paton ha hy gour a chanjyas chi dhe Gernow yn 1959, le may skrifas hi Bleujennow Goodh yn Kernow ha'n Enesek Syllan (Sowsnek: Wild Flowers in Cornwall and the Isles of Scilly, dyllys 1968) ha Bleujennow a'n Arvor Kernewek (Sowsnek: Flowers of the Cornish Coast, dyllys 1969).[4]

Lewydh an Kowethas Bryologiethek a Vreten yw hi yn 1976 ha 1977, ha hi a veu etholys avel esel enorys yn 1987.[3] Hy lyver An Flora Losowennow an Avi an Enesow Breten (Sowsnek: The Liverwort Flora of the British Isles) a veu dyllys yn 1999 ha deskrifys avel an "gwella flora losowennow an avi dyllys bythkweth yn Europa" gans barner.[6] Yn-medh bryologydh Eric Vernon Watson [en], an lyver o "tirnos y'n studhyans a losowennow an avi a Vreten".[1] Paton a waynyas an Pewas Jill Smythies dhyworth an Kowethas Linnean yn mis Me 2000 rag hy lymnans y'n lyver ha'n Pewas Sinske Hattori dhyworth an Kowethas Keswlasek a Vryologydhyon rag an gwella dyllans yn 1999/2000.[7][8] Paton a wrug dyllo ystynnans yn 2022.[9]

Hi a veu grontys MBE [en] yn 2003 rag gonisyow dhe vewonieth ha gwithans natur.[10]

Dres hy resegva, Paton a dheskrifas lies eghennow nowydh, y'ga mysk Ditrichum cornubicum,[11] Telaranea murphyae ha Fissidens celticus.[4]

Devynnow

[golegi | pennfenten]
  1. 1 2 Stephen L. Jury (Nadelik 1999), Herbarium News No. 37, Pennskol Reading (yn Sowsnek), folennow 9–10, kyrghys 28 mis Metheven 2026
  2. ↑ T. C. G. Rich; S. J. Richardson; ha F. Rose (1995), Tunbridge Filmy-Fern Hymenophyllum tunbrigense (Hymenophyllaceae Pteridophyta) In South East England In 1994/1995, The Fern Gazette (yn Sowsnek), 15 (2): 51–63, Kowethas Terydologiethek a Vreten, kovskrifys a'n derowel war 9 mis Gortheren 2022, kyrghys 26 mis Hedra 2022
  3. 1 2 History of the BBS, Kowethas Bryologiethek a Vreten (yn Sowsnek), kyrghys 29 mis Metheven 2026
  4. 1 2 3 4 5 Jean Paton MBE (b. 04.01.29), Field Bryology (yn Sowsnek), 98: 49–54, June 2009, kyrghys 28 mis Metheven 2026.
  5. ↑ Jean Paton, Kowethas Keswlasek a Vryologydhyon (yn Sowsnek), mis Gortheren 2022, kyrghys 28 mis Metheven 2026
  6. ↑ Rowena Millar (Hwav 2003), Trust stalwarts receive honours, Wild Cornwall (yn Sowsnek), dyllans 91, kovskrifys a'n derowel war 23 mis Gwynngala 2022, kyrghys 28 mis Metheven 2026
  7. ↑ Jill Smythies Award, Kowethas Linnean (yn Sowsnek), kovskrifys a'n derowel war 23 mis Gwynngala 2022, kyrghys 28 mis Metheven 2026
  8. ↑ The Liverwort Flora of the British Isles, Brill, kyrghys 28 mis Metheven 2026
  9. ↑ A supplement to the liverwort flora of the British Isles / Jean A. Paton, Asran a Janj an Hin, Nerth, an Kerghynnedh ha Dowr Ostrali (yn Sowsnek), kyrghys 28 mis Metheven 2026
  10. ↑ No. 56797, The London Gazette (yn Sowsnek), folen 21, 31 mis Kevardhu 2002, kyrghys 29 mis Metheven 2026
  11. ↑ Ron D. Porley (2013), England's Rare Mosses and Liverworts : Their History, Ecology, and Conservation, Gwask Pennskol Princeton (yn Sowsnek), ISBN 9780691158716, folen 98
Dhyworth "https://kw.wikipedia.org/w/index.php?title=Jean_Paton&oldid=227452"