Hyns-horn Bal Laksaa Meur
![](http://upload.wikimedia.org/wikipedia/commons/thumb/b/be/Bee_on_Great_Laxey_Mine_Railway_-_2005-08-21.jpg/220px-Bee_on_Great_Laxey_Mine_Railway_-_2005-08-21.jpg)
Hyns-horn war Enys Vanow yw an Hyns-horn Bal Laksaa Meur (Sowsnek: Great Laxey Mine Railway, Manowek: Raad Yiarn Meain Laksaa). Gwrys veu an hyns-horn dhe servya'n Bal Laksaa Meur, bal plomm usi trigys yn Laksaa. Y'n jydh hedhyw, an linen kledhrennow-kul 19 meusva (483 mm) a bon a-dhyworth entrans koth an bal dhe'n leuryow-golghi dre'n unsel gowfordh esys war an enys yn-dann an Hyns-horn Tredanek Manow ha'n fordh yntra Douglas ha Ramsey.
Forsakyes veu an hyns-horn gwreydhek yn 1929 pan veu an bal deges. An hyns-horn 1⁄4 mildir (0.4 km) a eyl-ygeris yn mis Gwynngala 2004. An hyns-horn a dhevnydh eyl-vyldyansow an jynnow-ethen Lewin gwreydhek henwys Ant (moryonen) a Bee (gwenenen) ha jynn-disel henwys Wasp (goghien) a oberas yn bal yn Kernow yn hwreydhek.
Lokomotyvyow
[golegi | pennfenten]![](http://upload.wikimedia.org/wikipedia/commons/thumb/f/f8/Great_Laxey_Mines_Railway_-_geograph.org.uk_-_469708.jpg/220px-Great_Laxey_Mines_Railway_-_geograph.org.uk_-_469708.jpg)
Yn hwreydhek, an hyns-horn a dhevnydhyas mergh rag tenna an kertow, mes yn 1877 prenys veu dew jynn-ethen dhyworth Stephen Lewin a Poole. Ant ha Bee o jynnow-tank 0-4-0 a veu gwrys dhe fittya yn shafta adyt an bal. Yth esa diw hirgrennen a-berth yn framyow pub jynn a dhevnydhyas daffar-kalpes Bagnall-Price rag provia power dhe'n aksel a-dryv. Yskynnys veu an tankyow-dowr war benn an gist-vog rag gwitha'n jynnow kul. An jynnow a dhevnydhyas kaltoryon-skathik rag an acheson ma keffrys.
Kevrennow
[golegi | pennfenten]Gwiasva sodhogel an Hyns-horn Bal Laksaa Meur (yn Sowsnek yn-unnik)