Hugh Miners
| Hugh Miners | |
|---|---|
| Soodh |
Bardh Meur  |
| Eseleth |
Gorsedh Kernow |
Hugh Miners (13ves Meuth 1914-28ves Hwevrer 2009) o seythves bardh meur Gorsedh Kernow, 1982-1985. Den Toll yw y hanow bardhek.
Genys veu Hugh John Miners dhe'n 13ves a vis Meurth 1914 y'n Hay, Pennsans orth Edwin Brooks Miners hag Emmeline Florence Hunt. Ev eth dhe skol privedh yn Pennsans hag ena Skol Konteth Pennsans. Y gynsa soodh o gans Sodhva an Post, hag ena ev a junyas Tollow & Ekseys le mayth o ev tollor yn Brystow ha Loundres. Ev a dhemmedhis gans Maisie Joan Pickstock dhe'n 8ves Ebrel 1939 yn Stafford.
Y'n 1950ow a-varr ev a veu danvenys dhe Lagos, Nijeri dhe weres pareusi Gonis Civil Nijeri rag anserghogeth. Hag ev ena ev a dheuth ha bos esel-fondya a vagas pel droos Lagos RFC yn 1952. Ynwedh, ev a warias krycket a-barth para Nijeri ha para Arvor Owr. Wosa dehweles, ev a dhyskas Kernewek dhe dus erel. Berdhys veu ev orth Krows Predennek, Eglosvelyan yn 1957 rag sleyneth yn Kernewek.
Rann a lies kowethyans o ev. Yn 1962 ev o esel-fondya a gesva-apposya an Orsedh. Iskaderyer o ev a Kowethyans Kernewek Loundres (1962-1964) ha wosa henna Skrifenyas a Gowethyans Kernewek Brystow. Yn 1967 ev o esel-fondya Kesva an Taves Kernewek hag a-dhia 1977 kes-kaderyer an Gesva o ev. Yntra 1975 ha 1984 yth esa lies spys avel kaderyer Kowethas Kernow Goth Pennsans hag yntra 1977 ha 1979 ev o Lewydh an Keffrysyans. Drefen y vern yn kerdhes, ev o kaderyer Kowethyans Hensi Kernow West yntra 1980 ha 1984. Esel konsel a skorren Kernow Campaign to Protect Rural England (Kaskyrgh dhe Dhifres Pow Sows Powek). Ev o esel rag bewnans der enor a Drest Ertach Kernow hag yn 1987 esel-fondya a Vyster Ilow Kernow.
Ev eth ha bos Kannas an Bardh Meur yn 1976 ha Bardh Meur yn 1982. Y feu y dermyn avel Bardh Meur ow korfenna yn strif drefen kuhudhyansow bos arghans an Orsedh usys heb hwilas kummyas kesva an Orsedh[devyn res] ha drefen y vos warbynn amyttya berdh dhe'n Orsedh war sel an tavas yn unnik (wosa bos Jurgen Zeidler berdhys). [1]
Skrifer ha prydydh o ev. Y dhyllansow a yssynsas '‘History of the Gorsedh (1928-1978) (First Fifty years)'. Ev a dhellos rol leun a verdh a vis Gwynngala 1928 gans bledhen aga urdhans ha'ga henwyn bardhek. Ev a oberas war vewskrif bardh ha tenor John Trelevan ha 'Tolzethan: The Life and Times of Joseph Hambley Rowe' yn 2002. Ev a skrifas lies erthygel rag jornals Kernow Goth. Ev a dresyas ha dalleth Hyns an Stenoryon yn Kernow may feu moon sten dres dresto a'n balyow dhe borth Heyl dhe vos esperthys.
Ev a omdennas yn 1975 ha removya dhe Lannust.
| Bleynyes gans: Map Dyvroeth |
Bardh Meur 1982—1985 |
Holyes gans: Map Dyvroeth |
Yma'n erthygel ma owth usya an Furv Skrifys Savonek a-barth Kernowek kres.
 |
Porth Kernow – Tre rag folennow ha klassys Wikipedya a-dro dhe Gernow. |