Hugh Lofting

Dhyworth Wikipedya, an godhoniador rydh
Hugh Lofting
Genys 14 Genver 1886 Edit this on Wikidata
Maidenhead Edit this on Wikidata
Mernans 26 Gwynngala 1947 Edit this on Wikidata
Topanga Edit this on Wikidata
Trigva Evrek Nowydh, Madison, Topanga Edit this on Wikidata
Kenedhlogeth Ruvaneth Unys Edit this on Wikidata
Alma mater
  • Massachusetts Institute of Technology
  • University of Westminster
  • Mount St Mary's College Edit this on Wikidata
Galwesigeth skrifer, romansydh, skrifer rag fleghes, skrinskrifer, lymner, ynjynor civil Edit this on Wikidata
Gis lien rag fleghes Edit this on Wikidata
Neskerens Olga Fricker Edit this on Wikidata
Pewasow Newbery Medal, Lewis Carroll Shelf Award Edit this on Wikidata
Gwiasva https://puddleby.tripod.com Edit this on Wikidata
Kudhlen The Voyages of Doctor Doolittle

Hugh John Lofting (14 Genver 1886 – 26 Gwynngala 1947) o awtour sowsnek, adhyskys avel ynjynor civil, a skrifas lyvrow a-dro dhe Doctor Dolittle, kemeryans klassek lien rag fleghes.

Bewnans personel[golegi | pennfenten]

Genys veu Lofting 14 Genver, 1886 yn Maidenhead, Berkshire, Pow Sows, dhe Elizabeth Agnes (Gannon) ha John Brien Lofting. Y linyeth o sownek hag iwerdhonek. Y vroder kothha, Hilary Lofting, a dheuth has bos romansydh yn Ostrali, wosa divroans yn 1915.

Adhyskys veu yn Kolji Mount St Mary yn Spinkhill, Derbyshire. A-dhia 1905 dhe 1906, ev a studhyas ynjynorieth civil yn Massachusetts Institute of Technology, Cambridge, Massachusetts, Statys Unys.

Ev a viajya yn efan avel ynjynor civil kyns omjunya dhe'n lu yn rejyment an Gwythysi Iwerdhonek yn Kynsa Bresel an Bys. Yn y lytherow tre, ny vynnas skrifa a-dro dhe'n vresel euthyk, ytho ev a skrifas lytherow dismygyansek, sel rag y novelow Doctor Dolittle wosa an vresel. Goliys yn trok y'n vresel, yn 1919 ev a removas warbarth ha'y deylu dhe Killingworth, Connecticut. Ev a dhemedhis teyrgweyth, ow tinythi tri flogh, onan anedha, y vab Christopher, a dheuth ha bos asektour y stat liennek.

Lofting a verwis 26 Gwynngala, 1947 tre yn Topanga, Kaliforni, dhyworth kaletter an avi. Ynkleudhys yw yn Korflan Evergreen, yn Killingworth, Connecticut.

Doctor Dolittle[golegi | pennfenten]

Kemeryans Hugh Lofting, Doctor John Dolittle, medhek sowsnek trigys yn "Puddleby-on-the-Marsh" yn West Pow Sows, a alsa kewsel dhe enevales, a omdhiskwedhas yn kynsa y'n lytherow skrifys ganso dhe'y fleghes yn kres an vresel. Settys yw an lyvrow yn Pow Sows y'n oos Viktoryanek a-varr, 1820-1840.

An lyver kynsa, The Story of Doctor Dolittle: Being the History of His Peculiar Life at Home and Astonishing Adventures in Foreign Parts Never Before Printed, dyllys yn 1920 y'n Statys Unys (dyllys veu yn Breten Veur yn 1924) a dhallathas an kevres. Ev a waynyas pewas (wosa y vernans) Lewis Carroll Shelf ragdho yn 1958. An nessa lyver, The Voyages of Doctor Dolittle (1922) a waynyas Medal Newbery. Eth lyver aral a sewyas, ha wosa y vernans, dew aral, komposys a dharnow berr na veu dyllys a-gynsow.

Varya a wra kronologieth an hwedhlow dhyworth an array dyllo. An lyver kynsa a veu sewyes gans Doctor Dolittle's Post Office (1923), Doctor Dolittle's Circus (1924) ha Doctor Dolittle's Caravan (1926). Ena y teuth an eyl The Voyages of Doctor Dolittle (1922), pesyes gans Doctor Dolittle's Zoo (1925). Wosa henna, an gronologieth yw yn array dyllo, Doctor Dolittle's Garden (1927), ena Doctor Dolittle in the Moon (1928) ha Doctor Dolittle's Return (1933), ow korfenna gans Doctor Dolittle and the Secret Lake (1948).

Hilgasieth[golegi | pennfenten]

An lyver kynsa a gomprehend niver a eryow bismerus hilgasek hag isplot adro dhe wynnhe kneus. An delinyansow derowel ynwedh yw hilgasek. Pan veu an lyvrow eyldyllys yn 1988, an geryow hag isplot a veu removys.

Kernewek[golegi | pennfenten]

Treylyes veu an lyver kynsa dhe Gernewek gans Eddie Climo avel Drolla Dr. Dolittle yn 2016.