Gwithti Kernow
.jpg) | |
| Sort |
gwithti leel, gwithti art, gwithti anserghek  |
|---|---|
| Fondys |
1818 |
| Doronieth | |
| Rann a'n re a sew |
River Street |
| Tyller |
Truru |
| Konteth |
Kernow |
| Gwlas |
Ruvaneth Unys |
| Kesordnogyon |
50.2637°N 5.0548°W |
| Kod post |
TR1 2SJ |
 | |
Gwithti Kernow, aswonys kyns avel Gwithti Riel Kernow, yw gwithti yn Truru, Kernow. Restrys gans an alusen Fondyans Riel Kernow yw an gwithti.
Yma dhe'n gwithti diskwedhyans fast yn kever istori Kernow a'n oos kynsistorek bys y'n jydh hedhyw, keffrys ha istori naturek Kernow hag efander bras a vonyow Kernow (y'ga mysk kuntel Philip Rashleigh). Yma mirva dhe'n gwithti ynwedh, gans priweyth hag art fin, y'ga mysk ober gans Barbara Hepworth, Terry Frost, Patrick Heron, Bernard Leach, Ben Nicholson, Denis Mitchell ha Dod Procter.
Yma diskwedhyans fast a daklow ejyptek, grek ha romanek, skoodhys gans an Gwithti Bretennek. Yssynsys y'n kuntel ma yma an moumi Iset-tayef-nakht, pronter templa hag o bew a-dro dhe 600 KOK.
Yma Kocha Trewinnard, a-dhyworth a-dro dhe 1700, y'n gwithti, keffrys ha Men Artognou, kevys yn Kastel Dintagel.
Ynwedh an yma Lyverva Courtney y'n gwithti, gans a-dor dhe 4,000 oberen pryntys, 35,000 dornskrif ha dogvennow, paperyow-nowodhow a 1737, mappys, lyvrow-termyn, ephemera, hag erel. Yma arbenikter dhe'n lyverva yn kever istori leel hag istori teyluyow.
Drehevyans an gwithti a dhallathas avel Arghanti Erbysyon Truru yn 1845. Gradh II yw. Gwithti Kernow a vovyas ena yn 1919. Yn 1986 FRK a brenas an chapel rybdho, drehevys yn 1848. Warbarth an drehevyansow growan yw gwel a vri yn Truru. Desinys veu an drehevyansow gans an pennser Philip Sambell.
Yn Gortheren 2022, Konsel Kernow a erviras hedhi arghasa an gwithti hag an gwithti a dherivas bos res dhodho martesen degea drefen henna. Yn Hedra an keth bledhen, a Konsel a ros £100,000 dhe'n gwithti rag y alowa dhe vovya dhe bennfentennow arghasans erel. Nowedhys veu mirva an monyow yn 2024 wosa arghasans a'n Town Deals Programme.
Yma'n erthygel ma owth usya an Furv Skrifys Savonek a-barth Kernowek kres.
 |
Porth Kernow – Tre rag folennow ha klassys Wikipedya a-dro dhe Gernow. |