Gorsedh 1929

Gorsedh 1929 orth Karnbre, Resrudh.

Gorsedh Kernow 1929 o an nessa Gorsedh gwrys yn Kernow gans Gorsedh Kernow, synsys yn Karn Bre, Resrudh, dy'Gwener an 30ves a vis Est, 1929. Bardh Meur an solempnita o Gwas Myghal, Henry Jenner, hag y Gannas Mordon, Robert Morton Nance.

Synsys o an solempnita yn plen ayr. An solempnita a veu ygerys dre hwitha Korn an Gwlas gans Myghal an Pry, Michael Cardew. Arlodhes Kernow an vledhen ma o derivys avel E.H. Enys a-dhyworth Enys.

Kannas Gourseiz Breizh o Taldir, F. Jaffrennou, an is-arghdhrewydh; ha kannas Gorsedd Cymru o J. Rhys Phillips. Yth esa ena ynwedh Dr. Cotennac a Vreten Veur avel kannas omdowlyoryon vretonek ha kan a veu kenys gans Mestresik Pennanros a Naoned. An telynner o Telenner Kernow, Alfred Wearne Robinson.

Berdh Nowydh 1929

Unnek bardh a veu enorys yn Gorsedh 1929. An re ma o:

• Carer Kernewek - Richard Hall, Durban ha Lannust, rag y studhyans a Gernewek
• Delen Derow - Annie Maud Nance, Porthia, rag hy ober gans an Keffrysyans a Gowethasow Kernow Goth
• Henavour - Walter Hedley Eva, Pennsans, rag y ober gans an Orsedh
• Kelennen - Revd Anthony Allen Clinnick, Kammbronn, rag y ober gans an Keffrysyans a Gowethasow Kernow Goth
• Kenteller - Richard John Noall, Porthia, rag dasserghi hen ganow an werin hag ober aral
• Men Growan - Francis John Stephens, Kammbronn, rag y hwithrans dororiethel
• Menhewas - Dr William John Stephens, Tewyn Blustri, rag y ober avel hendraour
• Pyscajor A Dus, Revd Mark Guy Pearse
• Saws Degemerys - Revd Chenon Henry Richard Jennings, Eglosmadern, rag fondya Kowethas Kernow Goth Eglosmadern
• Tas An Blejyow - William Tresidder, Sen Ostel, rag y ober yn losonieth Kernow
• Telenner Kernow - Alfred Wearne Robinson, Pennsans, rag bos telynner a-barth an Orsedh

Bleynyes gans: 1928 - Dons Meyn Bosskawen

Gorsedh Kernow 1929 - Karnbre, Resrudh

Holyes gans: 1930 - An Hurlysi

Yma'n erthygel ma owth usya an Furv Skrifys Savonek a-barth Kernowek kres.

Porth Kernow – Tre rag folennow ha klassys Wikipedya a-dro dhe Gernow.