Gorsedh 1928
Gorsedh Kernow 1928 o an kynsa Gorsedh gwrys yn Kernow gans Gorsedh Kernow, synsys yn Dons Meyn Bosskawen dhe'n 21a Gwynngala, 1928. Bardh Meur an solempnita o Gwas Myghal, Henry Jenner, hag y Gannas Mordon, Robert Morton Nance.
Wosa li ha gwiskans yn Eglosveryan, Arghdhrewydh Pedrog a Gembra, Is-Arghdhrewydh Elfed ha deg esel aral a Orsedh Kembra a junyas an eth bardh a Gernow hag esa seulabrys, dewdhek den dhe vos berdhys, eseli an Keffrysyans a Gowethasow Kernow Goth ha meryon seyth ranndir Kernow. Ledyas gans Band Arghans Pennsans, i a geskerdhas a Bargen Tir Bosskawen dhe'n dons men.
Wosa an galow orth peswar kornell Kernow gans Korn Gwlas ha kana Pysadow an Orsedh, ygerys veu an solempnita gans Arghdhrewydh Pedrog. Ev a dhegemeras Frutys an Nor a Arlodhes Kernow, gwarnya Gorsedh Kernow ha ri y vennath dhodho. Jenner a veu ynstallys avel Bardh Meur hag ena ev a amyttyas an dewdhek urdhyas ha gwarnya y fedha Gorsedh ow tos, gans an manylyon dhe vos konsidrys. Synsys veu an solempnyans yn Kernewek, Kembrek ha Sowsnek ha gorfennys gans Bro Goth Agan Tasow.
Wosa an solempnita, yth esa dynnargh civil yn Hel Sen John, Pennsans, holyes gans kuntelles a Jenner, Nance ha'n dewdhek bardh. I a appoyntyas Konsel an Orsedh gans an dever a restra an Orsedh nessa bledhen yn 1929.
Berdh Nowydh 1928
[golegi | pennfenten]Dewdhek bardh a veu enorys yn Gorsedh 1928. An re ma o:
- Barth Colonnek, Herbert Thomas
- Bras y Golon, William Benjamin Tregoning Hooper
- Caner Helles, James Dryden Hosken
- Carer Losow, Edgar Algernon Rees
- Gwas Petrock, George Sloggett
- Gwas Ust, Thomas Taylor
- Lef Stenoryon, A. K. Hamilton Jenkin
- Map Hendra, Charles G. Henderson
- Marghak Cough, Arthur Quiller-Couch
- Myghal an Pry, Michael Ambrose Cardew
- Mylgarer, John Coulson Tregarthen
- Tas Cambron, James Thomas
| Bleynyes gans: (Kynsa Gorsedh Kernow) |
Gorsedh Kernow 1928 - Dons Meyn Bosskawen |
Holyes gans: 1929 - Karnbre, Resrudh |
Yma'n erthygel ma owth usya an Furv Skrifys Savonek a-barth Kernowek kres.
 |
Porth Kernow – Tre rag folennow ha klassys Wikipedya a-dro dhe Gernow. |
| ||||||||||||||||||||||||||||||||||