Ghosts

Dhyworth Wikipedya, an godhoniador rydh
Ghosts

Ghosts (KW: tarosvannow) yw gwari bordh strateji rag dew warier. Gwariys yw war vordh 36 pedrek (6x6) gans desin kastel skruthus.

Pub gwarier a dhalleth gans eth tarosvan: peswar mas (dyjyn glas war aga heyn) ha peswar drog (dyjyn rudh war aga heyn). Settys yw an tarosvannow en dew rew (2x4) war amal an bordh. Orth bub korn an bordh yw mesporth a'n gastel.

Ny aswon gwarier vyth an tarosvannow mas ha drog yn-mesk tarosvannow an erbynner drefen na yllons i gweles marnas tal an tarosvannow. Pub torn, ny yll gwarioryon movya marnas unn tarosvan (gorwelyek po plommwedhek). Kemerys yw darnow avel yn gwydhbol.

An gwaynyer yw an den a gemer peswar tarosvan mas po gul diank tarosvan mas dre vesporthow an gastel. Gwarier a wra kelli mar kemerens i peswar tarosvan drog eskar.