Frigad Klass 31
Frigad Klass 31 yw eghenn a frigad devisys rag an Morlu Predennek hag a vydh ow talleth aga gonis yn blydhennow 2020 gans brassa frigad devisys, Klass 26.
An daswel a ammok predennek re ervirsa, yn 2010 bos res dhe geschanjya an 13 frigad Klass 23 (drehevys yntra 1989 ha 2000) gans 13 gorhel nowydh (Klass 26); 8 lester gans arvow erbynn lester-sedhi, ha 5 lester rag porpos ollgenmyn. Byttegyns, an daswel yn 2015 a erviras y fydh an 5 lester ma desin nowydh (Klass 31).
Yn 2018, tri bagas a veu dewisys rag erghi dhe dhesinya ha drehevel an lestri:
- BAE Systems/Cammell Laird gans aga desin Leander
- Babcock/BMT/Thales gans aga desin Arrowhead 140
- Atlas Elektronik/Thyssenkrup Marine Systems gans aga desin MEKO A-200
Y feu derivys, 12ves Mis-Gwynngala 2019, desin Arrowhead 140 dhe waynya an kesstrif. An desin ma yw haval orth an frigad Klass Iver Huitfeldt a'n Morlu Danek.