Elizabeth Carne

Elizabeth Carne
Genys	12 Me 1951  Tewyn Plustry
Mernans	4 Metheven 2026  a kanker an ympynnyon
Kenedhlogeth	Kernow
Galwesigeth	dyskador
Soodh	Bardh Meur, Kannas Bardh Meur
Eseleth	Gorsedh Kernow

Elizabeth Carne (12ves Me 1951 - 4a Metheven 2026), aswonnys avel Liz, o nownsegves Bardh Meur Gorsedh Kernow a 2018 bys yn 2021. Melennek yw hy hanow bardhek.

Genys veu hi avel Elizabeth Mary Clemens yn Tewynblustri dhe Agnes ha Richard Clemens. Hy theylu a vovyas dhe Dhewnens pan wrug hy thas gwaynya soodh yn Karesk. Hy thas o Kernow krev hag ev a dherivas dhedhi bos yeth dhiblans dhe Gernow. Hi a erviras hy dyski unn jydh.

Hi eth dhe Skol Maynard hag ena Kolji St Matthias yn Brystow. Hi a drenyas avel dyskader ha dalleth hy resegva yn Truru, kyns chanjya dhe Skol Gynradh Trevisker yn Sen Uvel.

Ha hi yn Truru, Carne a dhallathas mos dhe glassow Kernewek gans John Page. Wosa seweni yn apposyansow Kesva an Taves Kernewek, hi a veu berdhys orth Dons Meyn Rosmodres yn 1978. Hware hi a dhallathas dyski klassow Kernewek yn Tewynblustri ha pesya deg bledhen.

Diwettha, hi eth ha bos Kannas an Keffrysyans a Gowethasow Kernow Goth war Gesva an Taves Kernewek. Wosa omdenna avel dyskader yn a-varr, hi a dhallathas dyski Kernewek arta yn Tewynblustri. Omvyskys o hi yn solempnyansow Gool Peran Tewynblustri.

Dres hy bewnans, Carne o omvyskys yn lies hwarvos ha fondyans, y'ga mysk Band Tewynblustri, Kowethas Kernow Goth Tewynblustri ha Fondyans Skathow-Sawya Kenedhlek Riel.

Avel bardh, hi a veu ordenys avel styward Arlodhes Kernow ha'n Dhonsoryon y'n 90ow diwedhes. Yn 2015, etholys veu hi avel Kannas an Bardh Meur, ha dos ha bos Bardh Meur yn 2018 bys yn 2021.

Hi a verwis yn 2026 yn hy chi wosa godhevel kanker an ympynnyon.

Bleynyes gans: Telynyor an Weryn

Bardh Meur 2018—2021

Holyes gans: Mab Stenak Veur

Yma'n erthygel ma owth usya an Furv Skrifys Savonek a-barth Kernowek kres.

Porth Kernow – Tre rag folennow ha klassys Wikipedya a-dro dhe Gernow.