Dragon Quest

Dragon Quest (po Hwithrans Dragon yn Kernewek) yw kevres a wariow gwydhyow rann dyworth Japan. Desiner gwari Yuji Horii, desiner karakter Akira Toriyama ha komposydh Koichi Sugiyama yw an brysyow a-dhelergh dhe gevres. Bys 2005, Dragon Warrior (Kernewek: Kasor Dragon) o hanow an kevres herwydh gwirbryntyans. Dyllys o an kynsa gwari yn 1986 ha lemmyn yma 11 gwariow y’n kevres gans meur a troyveslow, manga, anime ha romansow, dyllys war gonsolennow divers kepar ha’n NES, Super NES, Playstation, ha Nintendo DS.

Sempel o pennrewlys an gwariow. Y hwariir avel gorour (gans dewis rag y henwel) war aventur rag selwel an bys erbynn droktra nerthek. Dell yw usys, an gorour yw keveylys war-barth ha lies koweth, dyworth kilvaow divers. Yma elvennow kemmyn dre bub rann an kevres hag y gwariow troyveslek kepar ha kas grondys yn tro; euthviles dashwarvys, rag ensempel an “Slim” (neb a veu maskot an kevres); kevreyth rol grondys yn tekst ha metyansow chonsus.

Pub gwariow y’n kevres, orth 2024, a gomprehend skrifer senario ha desiner gwari Yuji Horii, ha kyns agas mernansow, desiner karakter Akira Toriyama ha komposydh Koichi Sugiyama, a veu handla agas rann revronsek yn moyha gwariow an kevres. Filosofieth gres a’n kevres yw gul an gwari sempel raghenna y hyll gwarioryon dalleth an gwariow heb kaletter. An kevres a apper niver a hyntys kryjyk neb a veu senserys yn versyons NES a-ves Japan.